Bloggfærslur mánaðarins, júlí 2014

Fyrir hverjum vaktar man moskur?

Já það er nú spurningin. Er það fyrir fólkinu sem er á leið þangað?  Eða fyrir fólkinu sem kemur þaðan?   Hvað er það með íslam sem gerir að við erum sífellt óróleg?  
mbl.is Vakta moskur í Ósló
Tilkynna um óviðeigandi tengingu við frétt

Hvar ertu Kemal Atatürk?

Eitthvað þykir mér Tyrkir vera farnir að beita sér ískyggilega mikið fyrir íslamsvæðingu stjórnmála og samfélags í Tyrklandi. Vað það ekki einmitt það sem kom Tyrklandi aftur á fæturna eftir hrun ottómanska veldisins - að stjórnkerfi, skólar og herinn var aðskilinn frá íslam og þeim hefðum og fjötrum sem trúarbrögðin höfðu bundið um fætur ríkisins.  

Í fjöldamörg ár, eða allt frá 60. áratugnum hafa kristnir verið á flótta undan ofsóknum tyrkneskra yfirvalda.  Kristnir hafa verið beittir mannréttindabrotum og hafa þá sérstaklega grísk-orþódoxakirkjan verið beitt mestu ofbeldi.  Hvað er að gerast fyrir botni Miðjarðarhafsins?   Er Íslam í útþennslu? Þurfum við að vera á varðbergi og vernda menningu okkar og hefðir?

 

http://www.hurriyetdailynews.com/Default.aspx?pageID=238&nID=69732&NewsCatID=338  

 


mbl.is Konur hlæi ekki hátt á almannafæri
Tilkynna um óviðeigandi tengingu við frétt

Nokkur orð um hjónavígslur

Fyrir nokkrum dögum sá ég á Facebook mynd birta af pari sem var að fara gifta sig.  Á myndinni var brúðguminn íklæddur "Darth vader búningi" meðan brúðurin var íklædd smekklegum brúðarkjól. Þessi mynd vakti hjá mér spurningar, spurningar sem komið hafa upp áður þegar ég hef séð eitthvað líkt - helst frá Bandaríkjunum. Það er jú helst þar sem fólk í því afhelgaða landi tekur upp á þvílíku.  

Fyrstu viðrbrögð mín voru að mér fannst myndin af Darth vader og hans verðandi frú skrípaleg og sorgleg.  Samtímis þessum næstum því ósjálfráðu viðbrögðum mínum, vaknaði spurningin hjá mér: Er kirkjunni virkilega svo illa komið í vinsælda- og frægðarleit  sinni - að slíkur pópúlismi er farinn að stýra kirkjulegum athöfnum.  Á myndinni var presturinn sem annaðist vígsluna í guðsþjónustuklæðum - svo ekki var um einvörðungu veraldlega hjónavígslu að ræða - heldur kirkjulegt brúðkaup. 

 

starwaer

Spurningin er: Hversu langt á kirkjan að ganga í að ganga eftir hugmyndum fólks sem vilja hafa grínbrúðkaup?  Er ekki eitthvað til sem heitir sjálfsvirðing kirkjunnar. Er kirkjan ekki farin að ganga of langt í að kaupa sér vinsældir?  Ganga svo langt eftir tiktúrum þeirra sem nota vilja þjónustu kirkjunnar að kirkjan verður í lokin án sjálfsmyndar?   Af hverju vill fólk að prestur vígi fólk?  

Er það ekki vegna þess sem það inniber: hefðin, trúin, sýnin á hjónaband/fjölskylduna, blessunin og sú brú sem kirkjan milli hins sem var, er og kemur?   

Ég lít þetta alvarlegum augum. Auðvitað má fólk velja sér brúkaupsklæði að vild, en að klæðast Darth vader búningi (sem til og med hylur andlitið) - er bara merki hnignunar í brúðkaupssiðum og sjálfsmynd kirkjunnar.  

Hér er þörf á að fá prestana til umhugsunar um efnið. 


Siðferði okkar prófað

is your religionÉg hef sennilega greint frá því fyrr, en á vinnustað mínum starfa nokkrir flóttamenn. Þetta er fólk frá Líbanon, Írak, Tyrklandi / "Kúrdistan" och Íran. Þetta er allt fólk sem gengið hefur í gegnum verstu hremmingar. Frásögn þessa fólks af óseigjanlegum hörmungum, flótta, óöryggi, limlestinga, mannréttindabrota, nauðgana, mannrána og missir ástvina - er sorglegri en orð fá lýst. 

Allt þetta fólk er kristið. Þetta fólk tilheyrir þremur mismunandi kirkjum, þ e a s Sýrisk-Orþódoxakirkjunni, Kaldeönsku katólsku kirkjunni og Assýriönsku kirkjunni.  Þetta er fólk sem lifði á tímum Saddams Hússeins í friði og spekt við granna sína sem voru margir hverjir múslimar, hvort tveggja shía- og súnnímúslimar.  Eftir árás og yfirtöku Bandaríkjamanna og fylgismanna þeirra á Írak -var eins og ill öfl í samfélaginu í Írak væru leyst úr böndum.   Borgarastyrjöld hefur ríkt í Írak síðan eftir að Saddam Hússein var myrtur af Bandaríkjamönnum.  Bandaríkjaher og fylgislönd hans hafa síða yfirgefið landið og skilið það eftir í logandi borgarastyrjöld þar sem shía- og súnnímúslimar hafa murkað lífið úr hver öðrum - en síðan sameinast í því að myrða og misþyrma kristnum.  

Ástandið eins og því er lýst af samstarfsfólki mínu sem á fjölda skyldmenna í Írak - er skuggalegt. Eftir að skæruliðahópar shíamúslima (nú undir nafninu ISIS - áður ISIL) hafa nú tekið völdin í stærri hluta norður Íraks virðist enginn hultur.  Shíamúslimum er útrýmt og kristnum er safnað saman og þeir skotnir hópum - leiddir til slátrunar.  Fyrir hverjar sakir:  Jú, fyrir að vera kristnir.

Sjúkleiki stríðsins er algjör.  Ég hef séð fréttaskýringavídeó frá Írak sem ekki hafa verið ritskoðuð af vestulenskum fréttastofum. Videóklipp sem sýna tugi fólks hnakkaskotna af gólandi múslimum sem skrækja og hrópa "Guð er stór, og Múhameð er spámaður hans".   

Ef eitthvað gerir lítið úr guðdómi þeim sem þessir skæruliðar og hryllingsmenn segjast aðhyllast - þá eru það þeir, gjörðir þeirra og hryggðarstefna.

Hvatning mín er:  Það er rétt að sýna ljótleika stríðsins sem Vesturlönd á bandi Bandaríkjamanna hópu þegar á síðasta áratug síðustu aldar.  Er ekki rétt að Bandaríkjamenn taki nú ábyrgð á þessum ófögnuði.  Það voru þeir sem stofnuðu Al-qaida 1984 í stríðinu í Afganistan mót Sovétríkjunum, þar voru Bandaríkjamenn sem drápu Saddan Hussein og komu á óstöðugleika í Írak. Það eru Bandaríkjamenn sem greiða skæruliðum og trúarofstækismönnum í Sýrlandi í stríðinu mót Bashar al-Assad (réttkjörnum forseta landsins).   Er ekki komið nóg?  

Við getum ekki verið hlutlaus og þóst ekki sjá hvað er að gerast í þessum hrjáðu löndum Miðausturlanda.   Við getum ekki stanslaust þóst ekki sjá og blundað fyrir ástandinu.

Fjöldi fréttaskýringavideóa og ástandsfrétta hef ég undir höndum sem kanske gætu vakið upp augu og hjörtu Íslendinga.  Þessi vídeóklipp krefjast þó að maður skráir inn sig á youtube.com med notendanafni.  

https://www.youtube.com/watch?v=28kOCDFmSZs

https://www.youtube.com/watch?v=xAgUbO8kVak

https://www.youtube.com/watch?v=E3nM4wAsUOA 

 


Innskráning

Ath. Vinsamlegast kveikið á Javascript til að hefja innskráningu.

Hafðu samband