Hver ákveður yfir líkama þínum?

Umræðan síðustu daga hefur fjallað um pólitík, trúarbrögð, kúltúr (nota ekki orðið "menningu" hér þar sem orðið er í mínum huga of jákvætt) og að gangast við og viðurkenna að ofbeldi á ungum sveinbörnum verði gert laglegt.  

Umskurn sveinbarna hefur orðið að einskonar manndómsvígslu víða um heim.  Oftast er um að ræða trúarlega athöfn t d hjá Gyðingum og Múslimum. Grunnur umskurnarinnar hefur sama upphaf og allar reglur um t d mat og mægðir. 

Í trúarheimi gyðingdóms og íslam hafa reglur frá fornu fari verið settar til að verjast gegn því að fólk neyti matar sem er úldinn eða skemmdur vegna þess hita sem ríkir oft í upprunalöndum þessara trúarbragða (miðausturlanda).  Því hafa hugtökin um "kosher-mat" og "halal-mat" komið fram.  Eitt og annað er séð sem ekki-kosher eða "haram" í stað "halal".

Það er létt að skilja að þessar reglur um mat hafi komið upp í miðausturlöndum - að við megum ekki borða svínakjöt, skeldýr og kjöt af hræætum svo eitthvað sé nefnt.  Um umskurn er einnig létt að skílja hví hún var inleidd í kúltúr þessara landa.  Maður gat ekki eytt dýrmætu vatni til að þvo sér. Því voru drengir umskornir. 

Allt á sér skiljanlegar skýringar og þessar reglur hafa fundið sinn veg inn í trúarbrögðin. Því enginn segir að Guð hafi rangt fyrir sér.  

En í dag búum við við rennandi vatn og stanslaus böð. Ísskápar eru til á öllum heimilum og vinnustöðum og hætta á að vera óhreinn eða borða skemmdan mat er ekki að dreifa.  

Því segi ég NEI til umskurðar sveinbarna. Þetta er tilgangslaust, hættulegt og viðurstyggilegt ofbeldi gegn rétti einstaklingsins yfir eigin líkama. 


mbl.is Berst gegn umskurði sonar síns
Tilkynna um óviðeigandi tengingu við frétt

Um umskurð á drengjum

Ég bjóst líka við að kirkjan myndi standa með börnunum.  Hvað réttlætir að drengir séu umskornir?   Í mínu starfi sem prestur í Svíþjóð mæti ég oft foreldrum sem segja að þeir vilji ekki að börnin þeirra skírist - því að þau virði rétt barna sinna að taka ákvörðum um slíkt síðan þegar þau hafa þroska og vit til að taka þannig ákvörðun.  Ég sem prestur virði þessa skoðun og ákvörðun foreldra.  

Síðan gerist það oft að börnin séu með í sunnuskólastarfinu og yngri deildum kirkjustarfsins - og þegar þau hafa aldur til - vilja þau oft fermast.  Þá ákveða þau að skírast og síðan þegar að því kemur - að fermast.  

Einstaklingarnir þannig fá að velja sjálfir.  Síðan eru alltaf meirihluti foreldra sem velur að skíra börnin sín þegar þau eru i reifum.  Sá sem síðar velur að ekki fylgja kristinni trú - velur það.  Það er mál hvers og eins.  Enginn skaði hefur verið unninn á barninu. 

Þau trúarbrögð sem iðka umskurn a kynfærum drengja - t d Gyðingatrú og Múslimatrú taka réttinn frá sínum börnum að velja.  Að gera valið um hvort ég vilji tilheyra þessari eða hinni trúnni - og hvort maður vilji almennt vera umskorinn.   

Ég tel að brýnt sé að standa að rétti barna. Ég styð EKKI umskurn af neinu tagi - þetta er að mínu mati ofyrirleitni og ofbeldi sem einstaklingurinn ber merki af alla æfi.  

 

Ég segi NEI og hafna umskurn. 


umskurn

 


mbl.is Vonaði að kirkjan stæði með börnum
Tilkynna um óviðeigandi tengingu við frétt

Good luck May!

Það er bara að vona að Bretar kjósi nú rétt núna í næstu kosningum.  Þeir eru búnir að kjósa sig út úr Evrópubandalaginu, það var heillaspor - og núna þurfa þeir bara að gera svo vel að styðja forsætisráðherra sinn Theresu May og auka ekki á spekúlasjónir frekar.  

Evrópubandalagið berst sem ólmast við að hrella Breta núna þegar loksins eru komnir í gang með að byggja upp sjálfstætt og tryggt samfélag aftur.  Mitt álit er að nú ætti lönd Evrópubandalagsins að slappa af, horfa sér nær og reyna fá stöðugleika í eigin löndum í stað þess að hrella Breta.


mbl.is Tapar Theresa May meirihluta sínum?
Tilkynna um óviðeigandi tengingu við frétt

Kóróna, diadem, tiara

Kóróna? Á myndinni gefur ekki að líta neina kórónu.  Hinsvegar er krónprinsessan Mary sýnd bera á höfðinu það sem nefnt er "diadem". Það er hálfhringlaga spöng (se situr framan á enninu eða við hársvörðin) sem skreytt er á ýmsan máta.   Stundum birtist orðið "tiara" fyrir þennan hlut en þá er oftast rætt um veglegri og hringlaga höfuðbúnað.   Kóróna er notað fyrir enn veglegri höfuðbúnað sem gerir tilkall till valds eða stöðu (t d konungs, prinsessu, fursta).

Við hjónavígslur nota oft brúðir svona höfuðbúnað - er þá um að ræða diadem (sem virkar eins og spöng sem situr fremst ofan á höfðinu. 

 

Endilega notum rétt orð - það gerir tungumálið fjölbreyttara og skírgerir hvað í raun sé verið að tala um.    


mbl.is Konungleg kóróna eða hálsmen?
Tilkynna um óviðeigandi tengingu við frétt

Klippið ekki á ræturnar

Það var soldið sorglegt að heyra og sjá að Flufélag Íslands væri búið að fá nýtt og soldið "slískið" nafn Air Iceland connect.   Auðvitað á þetta að vera vænlegra fyrir erlenda ferðamenn og myndi ég það skilja ef um væri að ræða land með fjölda flugfélaga.  En þetta er samt soldið sorglegt.  

Í hinum vestræna heimi okkar er alltaf verið að reyna skapa ímynd frelsis, léttari leiða og hraða.  Þetta dregur huga minn til þess sem ég oft upplifi hér ytra i Svíþjóð.  Hér erfir unga folkið gamla stóla og borð eftir afa sína og ömmur.  Stólunum er síðan oftast hent á hauganna - en síðan fer unga fólkið í "góða hirðinn" og kaupa alveg eins stól og húsgögn.  

Fólk kaupir gamlar ljósmyndir af fólki sem það þekkir ekki, en hendir þeim sem tilheyra fjöldkyldunni.  Unga fólkið og ekki minnst hönnuðir leitast við að skapa "kitsch" stemningu eða "frjálsa samansetningu" af ljósum litum og gömlum hlutum.  En allt verður að kaupa.  Fólk vill ekki lengur hafa neitt á heimilum sínum sem sýna neina tengingu við ræturnar, við fjölskylduna, við ættina, við það sem var.  Heldur verður allt að verarótlaust og nýtt-gamalt úr búð. 

Vonandi gengur Air Iceland connect vel þrátt fyrir nýtt hálftrist nafn. 


mbl.is Nafnið á nærri 100 ára sögu
Tilkynna um óviðeigandi tengingu við frétt

Græðgin kemur okkur i koll

Það sýnir sig best núna að ferðamenn eru farnir að draga saman verudaga á Íslandi og þetta einkum og sér í lagi vegna þeirrar gjaldtöku, yfirverðs, græðgi og gullæðis sem Íslendingar hafa sýkts af.  Á ferðalagi mínu um Ísland á fyrra ári varð mér þetta ljóst. Ferðamenn voru búnir að spara til draumaferðarinnar til Íslands - en þegar ferðin var síðan hálfnuð voru aurarnir búnir. Þetta vegna þeirrar okrunar og yfirverðs sem mætti ferðamönnum út um allt.  Þjónustan var oft léleg och heimtufrekjan hjár Íslendingunum og minnkuð þjónustulund var það sem mætti fólki.   

Ég er hættur að ráða fólki að ferðast til Íslands - þar til heilbrigð ferðamennska verður aftur á döfinni á landinu.   

Það er skömm að þessu yfirverði.  Íslendingar eru búnir að skjóta sig í fótinn!


mbl.is Ferðamenn stytta dvölina á Íslandi
Tilkynna um óviðeigandi tengingu við frétt

Stoppið okrið!

Hér ytra (Svíþjóð / Danmörk) er það altalað að Íslendingar séu komnir með gullæði.  Nú séu ferðamenn rændir bokstaflega gegnum gengisbreytingar hingað og þangað, gegnum veruleikafirrta verðlagningu og það sé jafnvel svo að fólk fari ekki einusinni lengur í sund, því það sé svo dýrt! 

Gullæðið mun koma Íslendingum í koll.  Það bara er svo.  Er ekki meira virði að fólk muni eftir Íslandi fyrir fegurðina, vingjarnlegheit landsmanna. Kunnáttu landsmanna um land sitt og allt það góða sem við höfum upp á að bjóða - í stað þess að fólk tali um okkur sem græðgispakk?


mbl.is „Við verðum að stoppa þetta“
Tilkynna um óviðeigandi tengingu við frétt

Skjóttu þig í fótinn og láttu þér blæða út!

Það var soldið sorglegt að núna þegar ég var á Íslandi síðast og ákvað að skreppa í sund, að ég uppgvötvaði að verð á stökum miða í sund hafði farið upp úr öllu valdi í verði.   Það er ljóst að margir Íslendingar sem búsettir eru í Reykjavík kaupa sér dýr sundkort - en því má ekki gleyma að þeir/þær eru margar sem hafa ekkert með svona kort að gera. 

Að ferðast um Ísland, njóta þjónustu veitingastaða, leigja bíl, gista á hótelum, kaupa þjónustu af ýmsu tagi er skammarlega dýrt þegar litið er til annarra landa.  Ég ferðast talsvert.  Ferðist til 10 landa á árinu sem er að líða 2016.  Ekkert þessara landa, EKKERT gat státað af þvílíkri gróðahyggju og augsýnilegri græðgi eins og Ísland.  Íslendingar eru ekki að bjóða upp á betri þjónustu eða neitt sérstakt yfir aðrar þjóðir.   Það eina sem við getum selt er landið okkar, náttúrufegurð landsins.  Jafnvel þar er landið farið að láta að sjá vegna slits og ágangs.  

Framkoma Íslendinga við ferðamenn, græðgin og yfirlætið mun koma okkur i koll.   

Að hækka miðverð er að skjóta sig i fótinn.  Enginn sem er áhugasamur að byrja að synda smá byrjar á því að kaupa mánaðar eða árskort. Þó má sjá að nokkur sveitarfélög á Íslandi hafa séð að notkun sundlauga er að minnka og áhuginn fyrir sundíþróttinni að sama skapi.  Þessi sveitarfélög eru að bjóða lægra verð og jafnvel ókeypis í sund.

 


mbl.is Hækkuninni beint gegn ferðamönnum
Tilkynna um óviðeigandi tengingu við frétt

Incompetence

Auðvitað eru alþingismenn óhæfir að fjalla um, afgreiða og komast að niðurstöðu um stjórnarskrárfrumvarpið. Hversu margir af þingmönnunum hafa einhverja einustu þekkingu af slíku starfið og þeirri dýpt sem þetta starf krefst.  

Líklega væri best að fela þetta starf prófessorum Háskóla Íslands og biðja síðan kollega þeirra á Norðurlöndunum að gefa álit á niðurstöðunum.  Stjórnarskráin er svo viðkvæmt skjal, samtímis og hún þarf að vera svo sterk.  Næstum eins og kóngulóarvefur. Fíngerð, falleg, nýtileg og sterk. 

Verið ekki að eyða tíma alþingismanna í þetta starf. Þeir hafa annað að sýsla.  


mbl.is Alþingi ekki ráðið við málið
Tilkynna um óviðeigandi tengingu við frétt

Hvar ertu Kemal Atatürk?

Það er skrýtið að sjá hvernig Tyrkland hefur þróast öruggum skrefum frá því að vera land á vegi lýðræðis og framsóknar í flestum málefnum til þess að draga sig tilbaka til fornra gilda íslams og brota á tjáningarfrelsi þjóðfélagsþegna Tyrklands. Þróunin undir stjórn Erdogans forseta landsins hefur sýnt merki afturhaldsstefnu og tilbrigða við íslamsvæðingu undir valdatíma hans.  Minnihlutahópar eru aftur komnir undir hælinn á stjórnvöldum, frjáls hugsun er ekki leyfð, stjórnarbylting er sviðsett til að skapa forsendur till kollveltingar á gildum landsföðursins Kemal Atatürk sem grundvallaði Tyrkland úr rústum Ottómanska ríkisins.  Aukin áhersla á múhameðstrú í stjórnkerfinu,salafistísk áhrif í skólum, dómskerfi, fjölmiðlum og fleiri stöðum eru virkilega orðið skelfileg.  Þjóðin er skipt í tvær fylkingar: Þá vestrænu sem býr í stórborgunum - þá sér í lagi Istanbúl (Konstantínópel) og svo hinir sem búa í eystri hluta landsins og í dreyfbýlinu.  

Þetta ber að skoða og ástandið í Tyrklandi ætti að hafa góðan gaum á!


mbl.is Áhlaup á dómstóla í Istanbul
Tilkynna um óviðeigandi tengingu við frétt

Hafa ekki allir gleymt?

Líklega hafa allir gleymt því sem gerðist á Íslandi fyrir nokkrum vikum. Gullfiskssyndómið er guðagáfa til þjóðarinnar finnst eflaust stjórnmálamönnum og þeir nýta sér þetta til hins ýtrasta.  Líklega er best að gleyma öllu og horfa fram á veginn. Svohljóðandi er boðskapur stjórnmálamanna.   

Núna nálgast síðan forsetakosningar og ljóst að á góða regla um gleymsku þjóðarinnar er treyst þegar Davíð Oddsson fer fram í forsetann.  Allir eru beðnir að gleyma óðastjórn hans og Bermúdaskálum.


mbl.is Sigmundur Davíð kemur í næstu viku
Tilkynna um óviðeigandi tengingu við frétt

Dýrasta framkvæmd Íslands

Já þetta varð okkur dýrt að hafa Árna Johnsen sem þingmann. Ég legg til að við látum Landeyjahöfn verða okkur lexíu til framtíðar, vitnisburð um grunnhyggni stjórnmálamanna og trúgirni annarra. Látum Landeyjahöfn teppast - rétt eins og náttúran mun gera fyrr eða síðar og viðurkennum ósigur okkar mót náttúruöflunum og skynsemi hennar!


mbl.is Landeyjahöfn enn ófær
Tilkynna um óviðeigandi tengingu við frétt

Kaupið virðulega og örugga tösku!

Eru skjöl og opinberir pappírar sendir milli húsa til undirritunar í pappakössum?  Nei, detta af mér allar dauðar lýs!  Er þetta satt?   Lágkúran er algjör.  Uss...  Kaupið endilega flottar töskur, látið þær kosta soldið þannig að þær haldi og merkið kyrfilega með skjaldarmerkinu og hvaða ráðuneyti þetta er sem stendur fyrir flutningi gagna. Rétt eins og önnur lönd gera. 

 

väska


mbl.is Pappakassi notaður fyrir skjöl ríkisráðs
Tilkynna um óviðeigandi tengingu við frétt

Framsóknarflokkurinn hættir í íslenskum stjórnmálum

... þetta er óskafyrirsögn í mínum heimi.  Hversvegna ekki?   Gerið það eina rétta, leggið niður flokkinn og farið að vinna fyrir ykkur. Vinnið einusinni ærlegt dagsverk og finnið hversu gott það er!

Aðrar fyrirsagnir dagsins eru eitthvað í áttina að þessu:

http://www.visir.is/sigurdur-segist-ekki-hafa-vitad-af-wintris-/article/2016160409183 

 

sigmundur


Vélarvana og rekur...

Í erlendum fjölmiðlum er sagt að Ísland sé vélarvana og að það reki stjórnlaust! Sigmundur Davíð farinn og óljóst hvaða hlutverki hin svokallaði eftirmaður hanns hefur að gegna. Þetta er ófremdarástand og ljóst að Ísland býður álitshnekki í útlöndum.  

Getum við ekki gert eitthvað í þessu?   

Guð blessi Ísland!


mbl.is „Enginn skilur hvað er að gerast á Íslandi“
Tilkynna um óviðeigandi tengingu við frétt

Ja fussum svei, ja fussum svei...

nyAD2Q9381

Það er rétt að skoða ALLA þá/þær sem ætla nú að mata krókinn eftir siðferðilegt gjaldþrot Sigmundar Davíðs Gunnlaugssonar.

Bjarni Benediktsson átti líka aura og bréf á Seychellerna ... hvað þá með aðra

kumpána þeirra og flokksbræður í Sjálfstæðisflokknum og Framsóknarflokknum?

Nokkrar línur úr söng Soffíu frænku i Kardimommubænum (Torbjörn Egner):

"Ja fussum svei, ja fussum svei,
mig furðar þetta rót.
Í hverju skoti skúm og ryk
og skran og rusl og dót,   
en Jesper skal nú skítinn þvo
og skrapa óhroðan
...."
 
 

mbl.is „Lögðum línur að næstu skrefum“
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband