Feluleikur og sögufölsun

Það hefur lengi verið þekkt meðal fornleifafræðinga og sagnfræðinga að landnám Íslands bar að miklu fyrr en opinberlega hefur verið haldið fram, eða allt um 200 árum áður en sögubækur og sögutúlkun opinberra yfirvalda hefur borið vitni um.

Það þekkja margir til sögunnar af fornleifafræðingunum sem kallaðir voru til Vestmannaeyja snemma á áttunda áratugnum (1970- ) þar sem þeir voru beðnir að rannsaka fornleifar sem komið höfðu upp á Eyðinu og svo í Herjólfsdal.  Þetta var óheppilegt þar sem fundurinn þá ku hafa sýnt fram á að landnámið hafi borið að miklu fyrr en þá skólakennd saga Íslands sagði til um. Hið bagalega í stöðunni var að Íslendingar voru að fara fagna 1100 ára afmæli Íslandsbyggðar nokkrum árum síðar.  Þetta voru óæskilegar upplýsingar og grafið var í snarheitum yfir holurnar sem gerðar höfðu verið í Eyjum.  Núna þora kannski sagnfræðingar að koma fram með hið sanna í málinu eftir að þeir sem stóðu fyrir 1100 ára afmælinu eru margir hverjir fallnir frá eða horfnir af fræðimannasviðinu. 

 

Var Ísland numið 670?

Athugasemdir

[Fannar frá Rifi, 4.11.2009 kl. 15:02]

það er önnur kenning sem ég heyrði einhvern tíman varðandi Íslendinga. að við hefðum verið sérstök flökkuþjóð hafi verið upprunalega komin frá sléttum Rússlands. þ.e.a.s. að þessi þjóðflokkur hafi aldrei sest að neinstaðar til frambúðar fyrr en hann kom hingað til lands. rök fyrir þessu man ég ekki alveg í svipan en meðal þeirra var að menningin var öðruvísi heldur en þeirra sem bjuggu í noregi. því þegar þeir fóru til íslands hurfu nær öll skáld og sagnamenn úr noregi. þetta er eitthvað sem hefur verið þaggað niður til þess að skyggja ekki á "frændleika okkar".

[Þór Ólafsson, 4.11.2009 kl. 15:54]

þjóðflokkurinn sem þú talar um Fannar er þekktur undir nafninu Herúlar og þeim tengjast þekktar hetjusögur eins og sagan af Hrólfi Kraka. Þeir eru sagðir hafa barist með Húnum gegn Rómverjum í orrustunni á Katalánssléttu. Þeir hröktust frá sínum heimalendum þar sem nú er suðaustur Úkraína til íslands með viðkomu í núverandi eistrasaltsríkjum, svíþjóð, danmörku og loks noregi.. hvergi var þeim vært fyrr en þeir fundu sér heimastað á íslandi.

http://www.gedevasen.dk/heruleng.html : ansi yfirgripsmikil síða sem heldur utan um rannsóknir á sögu Herúla.

Illugi Jökulsson skrifaði einnig grein um Herúla í Sagan Öll árið 2007.

o.m.fl

mér þykir saga herúla athyglisverður vinkill á rannsóknir á uppruna íslensku þjóðarinnar.....

[Jón Steinar Ragnarsson, 4.11.2009 kl. 16:21]

Mig minir að það hafi fundist Rómversk mynt í Herjólfsdalnum og einnig á Arnarhóli og í Hvítárholti.  Þessar myntir var frá á bilinu ca. 250-300 AD.  Þær væru þá ríflega hálft árþúsund að aldri á tímum meints landnáms. Hreinustu forngripir. Hvernig fá menn þetta heim og saman? Vega skáldögur sagnaritara á 13. öld, þyngra en þessar staðreyndir?

[Gunnar Th. Gunnarsson, 4.11.2009 kl. 16:54]

Mannfræðirannsóknir sýna að við erum skyldir Norðmönnum í kvennlegg og Írum og Skotum í karlegg. Niðurstöður þessara rannsókna eru í samræmi við Íslendingasögurnar. Þrælar frá Bretlandsyjum voru fleiri en eigendur þeirra.

[Friðrik Hansen Guðmundsson, 5.11.2009 kl. 00:07]

Svo eru þær tilgátur að hér hafi verið byggð frá því 300 - 400 AD eins og Jón bendir á. Sú tilgáta gengur út á að landið hafi verið mikið til byggt þegar Herúlarnir / Víkingarnir komu hingað. Þeir hertóku landið og skiptu því á milli sín og skráðu kyrfilega í Landnámu til þess að "heimamenn" gerðu ekki tilkall til jarða forfeðra sinna.

Þetta fólk kölluðu landnámsmenn Papa. Þessir Papar voru ekki bara einhverjir munkar, hér voru líka konur og börn sem höfðu búið hér öldum saman þegar víkingarnir komu og hernámu landið.

Sögur herma að Páfastóll í Róm hafi verið í bréfaskriftum við þetta fólk frá því um 300 - 400 AD og þau bréf megi finna í skjalageymslum Vadikansins.