Klippið ekki á ræturnar

Það var soldið sorglegt að heyra og sjá að Flufélag Íslands væri búið að fá nýtt og soldið "slískið" nafn Air Iceland connect.   Auðvitað á þetta að vera vænlegra fyrir erlenda ferðamenn og myndi ég það skilja ef um væri að ræða land með fjölda flugfélaga.  En þetta er samt soldið sorglegt.  

Í hinum vestræna heimi okkar er alltaf verið að reyna skapa ímynd frelsis, léttari leiða og hraða.  Þetta dregur huga minn til þess sem ég oft upplifi hér ytra i Svíþjóð.  Hér erfir unga folkið gamla stóla og borð eftir afa sína og ömmur.  Stólunum er síðan oftast hent á hauganna - en síðan fer unga fólkið í "góða hirðinn" og kaupa alveg eins stól og húsgögn.  

Fólk kaupir gamlar ljósmyndir af fólki sem það þekkir ekki, en hendir þeim sem tilheyra fjöldkyldunni.  Unga fólkið og ekki minnst hönnuðir leitast við að skapa "kitsch" stemningu eða "frjálsa samansetningu" af ljósum litum og gömlum hlutum.  En allt verður að kaupa.  Fólk vill ekki lengur hafa neitt á heimilum sínum sem sýna neina tengingu við ræturnar, við fjölskylduna, við ættina, við það sem var.  Heldur verður allt að verarótlaust og nýtt-gamalt úr búð. 

Vonandi gengur Air Iceland connect vel þrátt fyrir nýtt hálftrist nafn. 

Nafnið á nærri 100 ára sögu

Græðgin kemur okkur i koll

Það sýnir sig best núna að ferðamenn eru farnir að draga saman verudaga á Íslandi og þetta einkum og sér í lagi vegna þeirrar gjaldtöku, yfirverðs, græðgi og gullæðis sem Íslendingar hafa sýkts af.  Á ferðalagi mínu um Ísland á fyrra ári varð mér þetta ljóst. Ferðamenn voru búnir að spara til draumaferðarinnar til Íslands - en þegar ferðin var síðan hálfnuð voru aurarnir búnir. Þetta vegna þeirrar okrunar og yfirverðs sem mætti ferðamönnum út um allt.  Þjónustan var oft léleg och heimtufrekjan hjár Íslendingunum og minnkuð þjónustulund var það sem mætti fólki.   

Ég er hættur að ráða fólki að ferðast til Íslands - þar til heilbrigð ferðamennska verður aftur á döfinni á landinu.   

Það er skömm að þessu yfirverði.  Íslendingar eru búnir að skjóta sig í fótinn!

Ferðamenn stytta dvölina á Íslandi

Stoppið okrið!

Hér ytra (Svíþjóð / Danmörk) er það altalað að Íslendingar séu komnir með gullæði.  Nú séu ferðamenn rændir bokstaflega gegnum gengisbreytingar hingað og þangað, gegnum veruleikafirrta verðlagningu og það sé jafnvel svo að fólk fari ekki einusinni lengur í sund, því það sé svo dýrt! 

Gullæðið mun koma Íslendingum í koll.  Það bara er svo.  Er ekki meira virði að fólk muni eftir Íslandi fyrir fegurðina, vingjarnlegheit landsmanna. Kunnáttu landsmanna um land sitt og allt það góða sem við höfum upp á að bjóða - í stað þess að fólk tali um okkur sem græðgispakk?

„Við verðum að stoppa þetta“

Skjóttu þig í fótinn og láttu þér blæða út!

Það var soldið sorglegt að núna þegar ég var á Íslandi síðast og ákvað að skreppa í sund, að ég uppgvötvaði að verð á stökum miða í sund hafði farið upp úr öllu valdi í verði.   Það er ljóst að margir Íslendingar sem búsettir eru í Reykjavík kaupa sér dýr sundkort - en því má ekki gleyma að þeir/þær eru margar sem hafa ekkert með svona kort að gera. 

Að ferðast um Ísland, njóta þjónustu veitingastaða, leigja bíl, gista á hótelum, kaupa þjónustu af ýmsu tagi er skammarlega dýrt þegar litið er til annarra landa.  Ég ferðast talsvert.  Ferðist til 10 landa á árinu sem er að líða 2016.  Ekkert þessara landa, EKKERT gat státað af þvílíkri gróðahyggju og augsýnilegri græðgi eins og Ísland.  Íslendingar eru ekki að bjóða upp á betri þjónustu eða neitt sérstakt yfir aðrar þjóðir.   Það eina sem við getum selt er landið okkar, náttúrufegurð landsins.  Jafnvel þar er landið farið að láta að sjá vegna slits og ágangs.  

Framkoma Íslendinga við ferðamenn, græðgin og yfirlætið mun koma okkur i koll.   

Að hækka miðverð er að skjóta sig i fótinn.  Enginn sem er áhugasamur að byrja að synda smá byrjar á því að kaupa mánaðar eða árskort. Þó má sjá að nokkur sveitarfélög á Íslandi hafa séð að notkun sundlauga er að minnka og áhuginn fyrir sundíþróttinni að sama skapi.  Þessi sveitarfélög eru að bjóða lægra verð og jafnvel ókeypis í sund.

 

Hækkuninni beint gegn ferðamönnum

Incompetence

Auðvitað eru alþingismenn óhæfir að fjalla um, afgreiða og komast að niðurstöðu um stjórnarskrárfrumvarpið. Hversu margir af þingmönnunum hafa einhverja einustu þekkingu af slíku starfið og þeirri dýpt sem þetta starf krefst.  

Líklega væri best að fela þetta starf prófessorum Háskóla Íslands og biðja síðan kollega þeirra á Norðurlöndunum að gefa álit á niðurstöðunum.  Stjórnarskráin er svo viðkvæmt skjal, samtímis og hún þarf að vera svo sterk.  Næstum eins og kóngulóarvefur. Fíngerð, falleg, nýtileg og sterk. 

Verið ekki að eyða tíma alþingismanna í þetta starf. Þeir hafa annað að sýsla.  

Alþingi ekki ráðið við málið

Hvar ertu Kemal Atatürk?

Það er skrýtið að sjá hvernig Tyrkland hefur þróast öruggum skrefum frá því að vera land á vegi lýðræðis og framsóknar í flestum málefnum til þess að draga sig tilbaka til fornra gilda íslams og brota á tjáningarfrelsi þjóðfélagsþegna Tyrklands. Þróunin undir stjórn Erdogans forseta landsins hefur sýnt merki afturhaldsstefnu og tilbrigða við íslamsvæðingu undir valdatíma hans.  Minnihlutahópar eru aftur komnir undir hælinn á stjórnvöldum, frjáls hugsun er ekki leyfð, stjórnarbylting er sviðsett til að skapa forsendur till kollveltingar á gildum landsföðursins Kemal Atatürk sem grundvallaði Tyrkland úr rústum Ottómanska ríkisins.  Aukin áhersla á múhameðstrú í stjórnkerfinu,salafistísk áhrif í skólum, dómskerfi, fjölmiðlum og fleiri stöðum eru virkilega orðið skelfileg.  Þjóðin er skipt í tvær fylkingar: Þá vestrænu sem býr í stórborgunum - þá sér í lagi Istanbúl (Konstantínópel) og svo hinir sem búa í eystri hluta landsins og í dreyfbýlinu.  

Þetta ber að skoða og ástandið í Tyrklandi ætti að hafa góðan gaum á!

Áhlaup á dómstóla í Istanbul

Hafa ekki allir gleymt?

Líklega hafa allir gleymt því sem gerðist á Íslandi fyrir nokkrum vikum. Gullfiskssyndómið er guðagáfa til þjóðarinnar finnst eflaust stjórnmálamönnum og þeir nýta sér þetta til hins ýtrasta.  Líklega er best að gleyma öllu og horfa fram á veginn. Svohljóðandi er boðskapur stjórnmálamanna.   

Núna nálgast síðan forsetakosningar og ljóst að á góða regla um gleymsku þjóðarinnar er treyst þegar Davíð Oddsson fer fram í forsetann.  Allir eru beðnir að gleyma óðastjórn hans og Bermúdaskálum.

Sigmundur Davíð kemur í næstu viku

Dýrasta framkvæmd Íslands

Já þetta varð okkur dýrt að hafa Árna Johnsen sem þingmann. Ég legg til að við látum Landeyjahöfn verða okkur lexíu til framtíðar, vitnisburð um grunnhyggni stjórnmálamanna og trúgirni annarra. Látum Landeyjahöfn teppast - rétt eins og náttúran mun gera fyrr eða síðar og viðurkennum ósigur okkar mót náttúruöflunum og skynsemi hennar!

Landeyjahöfn enn ófær

Kaupið virðulega og örugga tösku!

Eru skjöl og opinberir pappírar sendir milli húsa til undirritunar í pappakössum?  Nei, detta af mér allar dauðar lýs!  Er þetta satt?   Lágkúran er algjör.  Uss...  Kaupið endilega flottar töskur, látið þær kosta soldið þannig að þær haldi og merkið kyrfilega með skjaldarmerkinu og hvaða ráðuneyti þetta er sem stendur fyrir flutningi gagna. Rétt eins og önnur lönd gera. 

 

Pappakassi notaður fyrir skjöl ríkisráðs

Framsóknarflokkurinn hættir í íslenskum stjórnmálum

... þetta er óskafyrirsögn í mínum heimi.  Hversvegna ekki?   Gerið það eina rétta, leggið niður flokkinn og farið að vinna fyrir ykkur. Vinnið einusinni ærlegt dagsverk og finnið hversu gott það er!

Aðrar fyrirsagnir dagsins eru eitthvað í áttina að þessu:

http://www.visir.is/sigurdur-segist-ekki-hafa-vitad-af-wintris-/article/2016160409183 

 

Vélarvana og rekur...

Í erlendum fjölmiðlum er sagt að Ísland sé vélarvana og að það reki stjórnlaust! Sigmundur Davíð farinn og óljóst hvaða hlutverki hin svokallaði eftirmaður hanns hefur að gegna. Þetta er ófremdarástand og ljóst að Ísland býður álitshnekki í útlöndum.  

Getum við ekki gert eitthvað í þessu?   

Guð blessi Ísland!

„Enginn skilur hvað er að gerast á Íslandi“

Ja fussum svei, ja fussum svei...

Það er rétt að skoða ALLA þá/þær sem ætla nú að mata krókinn eftir siðferðilegt gjaldþrot Sigmundar Davíðs Gunnlaugssonar.

Bjarni Benediktsson átti líka aura og bréf á Seychellerna ... hvað þá með aðra

kumpána þeirra og flokksbræður í Sjálfstæðisflokknum og Framsóknarflokknum?

Nokkrar línur úr söng Soffíu frænku i Kardimommubænum (Torbjörn Egner):

"Ja fussum svei, ja fussum svei,

mig furðar þetta rót.

Í hverju skoti skúm og ryk

og skran og rusl og dót,   

en Jesper skal nú skítinn þvo

og skrapa óhroðan

...."

 

 

„Lögðum línur að næstu skrefum“

Gerilsneyddar kosningar. Subito!

Líklega er best að kjósa á nýtt og setja reglur um að þeir sem eiga erlenda bankareikninga eða standa i viðskiptum erlendis fyrir fjárupphæð hærri en miljón krónur ættu ekki að fá að bjóða sig fram.  Sama gildir um aðila sem eiga fiskikvóta, standa í eignahaldi á stórfyrirtæki eða hafa staðið í braski sl. 10 árin. 

Það verður að hreinsa stjórnmálin frá græðgishugsun, skammsýni stjórnmálamanna og fá smá meiri væntumþykju fyrir landi og þjóð inn í stjórnmálin og stjórn Íslands.   Ásýnd lands og þjóðar út á við er mikilvæg.  Rétt eins og staðan er núna - erum við aðhlátursefni heimsins. Litla Ísland með kúkinn í buxunum, eina ferðina enn. 

Hreinsum stjórnmálin, Alþingi og gefum fólkinu von og traust á lýðræðinu á ný.

Mun ræða hvort flýta eigi kosningum

...og i það er hlegið að Íslendingum!

Skömmin sem Sigmundur Davíð forsætisráðherra breiðir sig um heiminn. Utanríkisþjónustan reynir að halda starfinu áfram og reynir þrátt fyrir að hlegið sé að þessum óforbetranlegu Íslendinum - að halda áfram þjónustu ríkissins erlendis.  Sjónvarpsþættir um efnahagsleiki og skattaflótta hins siðlausa forsætisráðherra Íslands eru nu í loftinu allan daginn. Umfjöllunin lútar að því að því að okkur "Íslendingum" sé ekki viðbjargandi.  Við séum óalandi og óferjandi í fjármálum og græðgi okkar sé takmarkalaus.  

Takk fyrir þessa fínu umfjöllun Sigmundur Davíð Gunnlaugsson. 

„Nóg“

Þögn um siðleysi og leiðtogatal

Löglegt en siðlaust!   Maðurinn sem ætlaði að koma Íslandi úr fjármálasiðleysi græðginnar og myrkraverkum fjármálamarkaðarins - hefur verið afhjúpaður. Hann er meðal þeirra sem hann ætlaði að hreinsa út. 

Í dag þegar ég kveikti á morgunsjónvarpinu - get ég sagt að ég hálf skammaðist mín fyrir stjórnmálamenn Íslands.  Hefur fólk ekki lært neitt?   Nei greinilega ekki!

„Hann er okkar leiðtogi“

Ofsóknir á ofsóknir ofan

Það er kominn tími til að ofsóknum Vantrúar á hendur kristnum linni.  Þetta er orðið svo alvarlegt að fólk óttast að dragast inn í haturs og ofsóknastarfsemi Vantrúar. Þessu verður að linna og ljóst að hér er ekki um annað en hatur og ofsóknir á hendur kristnum landsmönnum.  Ruglið er algjört í málaflutningi Vantrúarmanna.  Þetta ber nú mest vott um forheimsku og sorglega vankunnáttu Vantrúarmanna í garð kirkju og kristni.  Best er að kynna sér málavöxtu fyrst og síðan tala - í stað þess að ala á pópúlisma af verstu tegund.  

Nálgunarbann ætti að ráða þegar kemur að Vantrúarmönnum.  Hatursherferðinni verður að linna. Kristnir eiga nægilega undir högg að sækja í heiminum í dag svo að við séum ekki ofsótt á Íslandi líka.

Telur fermingu sína ólöglega