Good luck May!

Það er bara að vona að Bretar kjósi nú rétt núna í næstu kosningum.  Þeir eru búnir að kjósa sig út úr Evrópubandalaginu, það var heillaspor - og núna þurfa þeir bara að gera svo vel að styðja forsætisráðherra sinn Theresu May og auka ekki á spekúlasjónir frekar.  

Evrópubandalagið berst sem ólmast við að hrella Breta núna þegar loksins eru komnir í gang með að byggja upp sjálfstætt og tryggt samfélag aftur.  Mitt álit er að nú ætti lönd Evrópubandalagsins að slappa af, horfa sér nær og reyna fá stöðugleika í eigin löndum í stað þess að hrella Breta.

Tapar Theresa May meirihluta sínum?

Margaret Thatcher i Hague 19. maí 1992 um Evrópusambandið og Euro-efnahagssvæðið. Orð sem aldrei gleymast!

 

Fyrir 24 árum flutti fyrrverandi forsætisráðherra Stóra-Bretlands ræðu í Haag í Hollandi.  Ræða sem enn lifir í minnum þeirra sem þar voru og hlustuðu. En einnig meðal margra þeirra sem hlotið hafa góða menntun og skólun í hagfræði og viðskiptum og láta sig varða evrópumál.  Orðin sem flutt voru af Thatcher lifa og eftir því sem tíminn líður kemur það á daginn að hún hafði rétt fyrir sér.  Lesið endilega ræðu hennar og látið sveipast með orðum hennar um " Europe's political Architecture " 

 

Europe's Political Architecture 

(klikka á slóðina)

Bretar kjósa 23. júní

Gáfuleg umræða um áhrif útgöngu Breta úr Evrópusambandinu

Í raun hefur yfirreið Camerons forsætisráðherra Breta sýnt svo ekki verði um vafist að mismunandi reglur gilda hin ýmsu aðildarlönd ES (Evrópusambandsins).  Það er verið að hygla að vissum löndum meðan önnur sem hafa ekki líka stóra þýðingu fyrir sambandið eru látin afskipt. Pólland og Danmörk hefðu ALDREI getað náð neinum samningum á við þá sem Cameron hefur verið að fá í gegn á yfirreið sinni um Evrópu. Einfaldlega vegna þess að þessi löng skipta ekki máli. Lönd spilaskuldanna stóru: Spánn, Portugal, Ítalía og síðast en ekki síst Grikkland eru lönd sem eiga svo bágt að í raun ætti að henda þeim úr sambandinu.  Þau sliga sambandið og hafa í raun gert Evruna marklausa sem gjaldmiðil. 

Í könnun sem ég sá fyrir nokkru, voru fjármálaspekingar spurðir í hvaða mynt þeir vildu hafa sín viðskipti. Flestir völdu Bandaríkjadollar, margir japanskt Yen och kínverskt Yuan.  Pundið breska kom síðan og Svissneskir frankar....    á listanum yfir 10 áreiðanlegustu gjaldmiðla heims var ekki að finna Euro.   Nei...    

Svo ég tel Breta vera vel að því komna og það gáfulegt að yfirgefa Evrópubandalagið.   

Vonandi velja þeir að ganga úr bandalaginu þann 23 júni nk. 

Boris mótfallinn hugmyndum Cameron

Spámaður ársins 2016

Já, eitthvað er þetta farið að ljúkast upp fyrir fólki að Evrópusambandið er ekki það Gósenland og dýrðarríki sem menn vildu láta fara fyrir á liðnum árum. Evrópusambandið hefur sýnt getuleysisitt og ósamstöðu sína á mörgum sviðum.  Evran er eitt dæmið um mislukkað og afskaplega dýrt ævintýraspil, flóttamannastraumurinn til Evrópu og hvernig tekið hefur verið á honum er enn eitt dæmiðum ósamstöðu og amlóðahátt bandalagsins, ósættið um útanríkismál, lögreglumál, spillingarmál, og svo auðvitað spilavítaheim suður Evrópulandanna Grikklands, Ítalíu, Portúgals og Spánar.  Lönd sem eru fjárhagslega með buxurnar niður um sig.   Evrópubandalagið er byrði á Evrópu. Skriffinskubáknið er eins og einn sem starfað hefur þar sagði "eins og monster sem lifir á eigin úrgangi".   

Það var gott að heyra að Andrzej Duda Póllandsforseti hefði haft djörfung að benda á sjúkdómseinkenni Evrópubandalagsins.  Líklega er hann einn sannspárra spámanna nútímans. 

Telur að ESB gæti liðið undir lok

Amlóðakerfi í deyjandi EU

Svíar eru farnir að þreytast á EURO-löndunum.  Í blöðunum hér ytra - m a Dagens nyheter er rætt um þetta. Sama gerir Svenska dagbladet.  Það líður ekki sú vika að reikningar fyrir úttektum aðildarlanda komi ekki inn á borðið til Anders Borg fjármálaráðherra hér í Svíþjóð.  Og reikningarnir, jú þeir eru af ýmsu tagi.  Þjóðir eins og Grikkland, Ítalía, Spánn, Portúgal, Írland, Slóvenía, Lettland, Litháen, Estland....    eru að senda kasínóreikninga sína til Svíþjóðar, því Svíar eru það sem maður nefnir á sænsku "konflikträdda" þ e a s  hræddir við átök og ósemju.

Allir vita að skattasiðgæðið í Suður-Evrópu er á mjög lágu plani.  Þar svíkja allir sem geta undan skatti, vinna svart, greiða leigu svart og ekkert er gefið upp.  Þrátt fyrir þetta krefjast þjóðirnar sem lifa í þessari skattasynd heilbrigðiskerfis, að dómstólar séu fríir och óbundnir, skólakerfis sem er helst ókeypis, lögreglu/varna og svo framvegis.  Allt utan að borga eina einustu krónu.  Svo vilja allir fara á góð eftirlaun 52 ára eða 60 ára.   Galið!!    Og það finnst Fredrik Reinfeldt líka.   Hann er ósáttur við að nú skal setja á kerfi sem leyfir hinum sem eru latir og hafa lifað í þessu sinnuleysi í áratugi að vera lötum áfram - og að ekki sé neins krafist af þeim.  Hann er ósáttur við að nú sé verið að búa til "amlóðakerfi" sem gerir litlu löndunum kleift að halda áfram að vera fátlækum og annars flokks þjóðum. Á sama tíma sé verið að auka skuldasöfnun EU bankans (lindarinnar sem virðist aldrei þrjóta og alltaf er hægt að sækja peninga til).  

Han mótmælir á sitt veika og lágmælda sænska sett áframhaldandi spillingu meðal EU landanna, flokkunarkerfis þar sem löndum verður skipt i fátæk lönd og rík lönd.  Han mótmælir að áframhaldandi stefnu sé gefið laga gildi.  

Ég held að það sé kominn tími á að fólk sem hallast að því að Evrópubandalagið sé eitthvað fyrir Íslendinga - fari að hugsa sinn gang og leita sér að nýjum leiðum í alþjóðasamstarfi.  Evrópusambandið er að deyja - og það deyr innanfrá vegna eigin græðgi og ósættis.

Margaret Thatcher um Evrópubandalagið

Vitræn orð um Evrópubandalagið frá fyrrum forsætisráðherra Bretlands

.

Sannleikurinn er sagna bestur

Það var gamað að lesa þessa frétt. Loksins sýnir það sig að Íslendingar elska sjálfstæði sitt meira en ESB einræðið í Brussel.  Íslendingar eru stoltari en flestar aðrar þjóðir Evrópu.  Íslendingar vilja ekki greiða sukkskuldir Grikklands, Írlands, Lettlands, Ítalíu, Spánar og Portúgal.   Íslendingar vilja vera áfram Íslendingar.  Og Íslendingar framtíðarinnar sjá ekki framtíð í ESB (sem í raun var dauðadæmt þegar frá byrjun).  

Þetta eru fjarskalega gleðileg tíðindi.  En hvað eigum við að gera ef við eigum núna að hætta daðra við ESB i Brussel?   Jú valkostirnir eru margir og áhugaverðir.  Nýjir viðskiptasamningar við Kína, Japan og Austur-Asíulönd.   Viðskipta og vinasamband við Kanada, Mexikó og Suður-Ameríku. 

Ljóst er að aukið samband og sérsamningar við Norðurlöndin eru spennandi - og ljóst að norðurlandasamband - í efnahagslegu tilliti sem og í auðlindasamvinnu er ekki út í hött.  Finnar, Danir og síðast en ekki síst Svíar eru dauðleiðir að borga spilaskuldir Suður-Evrópulanda.      :)   Þarna eru möguleika á nýju efnahagssvæði.   

Segir ESB-umsóknina tilgangslausa

Fýluferð....

Sit hérna og er að lesa frétt af fýluferð Íslendinga til Lundúna!  Ég bara vona innilega að Bretarnir sjái sóma sinn í að greiða flugmiðanna fyrir íslensku samninganefndina sem í raun ætti að halda sig víðsfjarri breskum ströndum.  

Hér er um fáránlega stöðu mála að ræða.  Ég við þó bæta við hér að Íslendingar eiga EKKIað semja sjálfir persónulega.  Við eigum að skaffa okkur einhverja bestu lögfræðinga heims til þessa. Ópersónuleg framkoma og sérfræðiþekking- og aðstoð er það sem við þurfum. Ekki senda einhverja stráklinga úr viðskipta- og hagfræðideild sem enga þekkingu hafa á svona risamálum. Við eigum að velja okkur þá bestu og vinna málið faglega frá a til ö.

Leynifundur um Icesave

Calypso

Mín spurning til stjórnvalda er þessi: Hvað bjó að baki þá er íslensku þjóðinni var synjað um réttinn að sækja Breta til saka fyrir að beita á okkur hryðjuverkalögum? Hver átti ávinningurinn að vera af því að EKKI sækja þá til saka?  Hvað fengum við fyrir auðmýktina og undirgefnina?  Eitthvað hlýtur að hafa komið í staðinn?

Ljóst er af orðum Alain Lipietz að réttarstaða Íslendinga var og er sterk.  Því spyr ég fyrrnefndra spurninga og hvers vegna íslenskri þjóð var ekki unnt að fá uppreisn æru?  

Lipietz: Veikur málstaður

Sem þurfalingar skulum við lifa.

 

Svo má brýna að bíti! Ég held, eftir að hafa hugsað lengi málið, að stærstu mistök ríkisstjórnanna, þeirrar sem var rekið í búsáhaldabyltingunni og svo þeirrar nýju, hafi verið að stefna ekki breskum stjórnvöldum þá er hryðjuverkalögum var beitt á Ísland. Í þessari gjörð var að finna svo illskuþrungna og heiftúðuga aðgerð bitrar þjóðar að fá dæmi eru í sögu síðustu áratuga.

Meðvitaðir um afleiðingarnar beittu Bretar okkur þessu bragði, meðvitaðir um að Íslendingar myndu knésetti, meðvitaðir um að okkur yrði ekki nein leið fær að bjarga okkur - setja þeir neyðarlög. Og hvers vegna? Jú, til að ná fiskimiðunum af okkur.

Sjávarútvegur Evrópusambandsins stendur á grafarbakkanum. Áratugum saman hafa fiskveiðiþjóðir Evrópusambandslandanna skafið upp hafsbotninn með trollhlerum sínum, eyðilagt uppeldisstöðvar fiskistofna og síðan veitt um þá fiska sem eftir voru. Núna ásælast þessi lönd með Breta í víglínunni miðin kringum Ísland. Náðarlaust!

Atvinnuleysi meðal sjómanna/rányrkjumanna er næstum algert. Atvinnugreinin er að deyja út meðal þessara þjóða. Þriðja kynslóð atvinnulausra sjómanna er að vaxa úr grasi og smáþorp og borgir eru að lognast sömuleiðis út af.

Til að ná sér aftur á skrið, hafa Bretar nú beitt okkur hryðjuverkalögum, til að veikja eða taka alveg frá okkur samningsstöðuna nú þegar íslenska ríkisstjórnin telur sér ekki fært annað (í grunnhyggni sinni) en að ganga til liðs við ESB styrkjakerfið. Sem þurfalingar skulum við lifa. Það er vilji Breta, vilji ESB og vilji ríkisstjórnarinnar.

Undirbýr mál gegn Íslandi