Stigmögnun - og svo sögulok

Mér brá ekkert sérstaklega þegar ég sá þessa frétt í morgun. Ég hef hálft í hvoru beðið þessa. Björn dómsmálaráðherra hefur sennilega fengið upphringingu frá hræddum Geir forsætisráðherra: "Bjössi minn, það er bara allt að verða brjálað og liðið hefur subbað út bílinn minn". 

Nei, í alvöru þá var þetta fyrirsjáanlegt. Stigmögnunin á sér ekki bara stað hjá fólkinu, heldur og stjórnmálamönnunum líka. Svona kallast fylkingarnar á!   Þetta er ljótt að sjá á friðsæla fallega Íslandi í dag. 

Til notkunar táragass hefði ekki þurft að koma!  Það vita stjórnmálamenn!  Svona langt átti þetta aldrei að ná.

Táragasi beitt á Austurvelli

Athugasemdir

[Stefán Lárus Pálsson, 22.1.2009 kl. 10:20]

Ó þjóðin mín, þurfti þetta nú að fara svona, allt á versta veg! Af hverju geta stjórnvöld ekki hlustað á okkur og talað við okkur eins og jafninga en ekki sýnt okkur bara hnefann? Já vont er þeirra réttlæti, en verra er þeirra ranglæti. Hér er komið í hörmulegt óefni. það var aldri ætlun neins að starta borgarastyrjöld eins og nú virðist í uppsiglingu. þessu verður að linna. Ríkisstjórnin er dæmd til afsagnar, Geir er að verða eins og nátttröllin forðum. Þolir ekki dagsljós raunveruleikans, veit að þar bíða endalok valdaskeiðs hans og flkksins en þrást við í lengstu lög, illu heilli fyrir land og þjóð. En enginn umflýr örlög sín!!

[, 22.1.2009 kl. 17:22]

Það var viðbúið að eitthvað þessu líkt færi að gerast. Þótt vitaskuld séu bæði mótmælendur og löggimenn upp til hópa friðsemdarfólk eru inn á milli ofstopamenn í röðum beggja. Þessi óöld hefur líka verið að stigmagnast eftir því sem ríkisstjórnin spilar út fleiri og fleiri vanvirðingum yfir landsmenn. Hroki forsætisráðherra er með þvílíkum eindæmum að ekki verður við unað. En þrátt fyrir það megum við ekki missa okkur í ofbeldi og skemmdarverk (þótt eitt og eitt bál ylji bara þeim sem standa mótmælavaktina) og til að sýna að við kjósum friðsöm motmæli gerumst við appelsínugul.