Ikon - "Leyndardómur hinnar heilögu tilbeiðslu"

Á þrenningarhátíð tók ég á móti íkoninum sem ég hef pantaði fyrir rúmu ári síðan. Íkoninn heitir "Leyndardómur hinnar heilögu tilbeiðslu" og er unninn eftir kúnstarinnar reglum af listamanninum Marcel van Baaren, frá Woerden í Hollandi. Íkoninn var helgaður og blessaður síðan af prestinum í anglíkönsku kirkjunni hér í Stokkhólmi, Nick Howe á þrenningarhátíð.  Blessun íkonsins átti sér stað með krismun (smurningu með helgri olíu), þvott í vígðu vatni og helgun með reykelsi - allt við messugjörð þrenningarhátíðarinnar.  Þetta var hátíðleg stund, þar sem eftirvæntingin var mikil. Ég hafði bara sér skissur frá gerð íkonsins á heimasíðu listamannsins (klikkið á nafn íkonsins að ofan).

´

Íkoninn skipar nú heiðurssess með myndunum af börnunum mínum og friðarliljunni minni. Mér finnst hann óvenjulegur og mjög sérstakur. Hann birtir mynd af því óútskýranlega. Hann er sem skjásýn inn í annan heim, heim sem er fallegri, betri og undursamlegri en sá sem við lifum í í dag. Heim án vonsku, heim án illsku, haturs, heiftar skilningsleysis.  Hann er eins og í tómi, sem samt er svo heilagt að varla er hægt að orða það. Kristur, barnið liggur í skírnarlaug sinni, tákni lífs, tákni atburða, hreyfingar og dýptar. Englar, fulltrúar hinnar heilögu himnesku hersveitar Guðs standa og vísa lotningu sína. Stjarnan yfir skírnarsánum talar um fæðinguna og serafarnir tilkynna nærveru Guðs Alföðurs, heilagrar visku og skapara alls sem er hlutstætt og óhlutstætt.

Frá vinstri: Marcel van Baaren (listamaðurinn), Nick Howe (prestur í Anglíkönsku kirkjunni og ég (held á íkoninum)

Athugasemdir

[DoctorE (IP-tala skráð) 11.6.2009 kl. 21:17]

Skurðgoð... eða annað er bannað, hafið þið ekki lesið ykkur til

[Baldur Gautur Baldursson, 12.6.2009 kl. 13:36]

Nota ekki haltir hækjur eða ógöngufærir hjólastóla.   Leyfðu mér bara að vera glöðum með mínum íkon og slappaðu soldið af kúturinn!  Farðu í frí til Norður-Kóreu!  Þar mun þér sennilega líða vel!  

[Birgirsm, 13.6.2009 kl. 00:11]

Sæll Baldur.

Þú segir eftirfarandi í svari þínu við athugasemd no 1,,,   Nota ekki haltir hækjur eða ógöngufærir hjólastóla.

Hvað áttu við ?

Er svona íkon jafn nauðsynlegur einstaklingi sem kallast vill kristinn eins og hjólastóll ógöngufærum manni ?

Og eitt enn Baldur ! Þú segir í lýsingu þinni á íkoninum,,,  Kristur, barnið liggur í skírnarlaug sinni,    ????

Þú sem ert presturlærður !! getur þú vísað mér á þann stað í Bók Bókanna, Biblíunni,  sem segir frá því að Kristur hafi verið skírður sem ungabarn, og það í skírnarlaug.

Með ósk um svar