VARÚÐ: ALÞJÓÐAGJALDEYRISSJÓÐURINN AÐ STÖRFUM

Ég hef lengi varað við Alþjóðagjaldeyrissjóðnum (IMF). Ég held að þjóðin ætti að kynna sér svolítið betur forsögu og gjörðir þessarar hættulegu stofnunar sem ekki virðist hafa komið neinu góðu til leiðar á líftíma sínum, heldur hörmungum, ójafnvægi, stjórnmálabyltingum og órétti. Kannið hvaða löndum t.d. í Afríku og Suður-Ameríku IMF hefur "aðstoðað"  og skoðið síðan hvaða hræðilegu hörmungar hafa síða geisað yfir þessar þjóðir - fyrst í formi pólitískra afskipta.... sem síðan hafa tekið á sið viðurstyggilegar myndir.

Vill að AGS leggi spilin á borðið

Bloggfrí - aftur út í skerjagarðinn

SKERJAGARÐURIN SYÐRI 

Mynd frá Vitsgarn. Séð yfir til austurenda eyjarinnar Märsgarn og síðan upp á fastlandið. (Mynd: BGB)

Jæja, þá er kominn tími til að fara koma sér aftur út í sænska skerjagarðinn og hefja síðasta fermingarnámskeiðið. Ég mun því vera fjarri neti og fjölmiðlum í um þrjár vikur ef allt fer eins og ætlað er. Kannski skýst ég til Stokkhólms um helgar, en eins og staðan er í dag verður líklega ekki tími til þess. Líklega verður farið í langsiglingu út í næstu eyjar og farið í kirkju og eyjaskoðun. Ég hef verið beðinn um að skíra fimm verðandi fermingarbörn og verð ég væntanlega við þeirri bón núna næstu helgi.  Það verður gaman að hefja nýtt námskeið og fá að miðla vitneskjunni kristna trú til þeirra sem núna er að hefja lífsgönguna fyrir alvöru. Vonandi tekst mér vel upp.   

Þetta þýðir að ég er í um það bil þriggja vikna bloggfríi. Ég treysti vinabloggurum mínum að halda uppi baráttunni fyrir sjálfstæðu Íslandi, lifandi stoltu og frjálsu mannlífi og kærleika til allra manna.

Bestu kveðjur, Baldur Skerjagarðsprelli

Auðvitað, en ekki hvað?

Fyrir það fyrsta áttu íslensk stjórnvöld að láta erlenda sérfræðinga annast samningagerð fyrir ríkisstjórnina. Ég segi ríkisstjórnina því það er hún og bara hún sem gerir þessa ICESAVE-samninga. Síðan verður þjóðinni sendur reikningurinn.  

Í öðru lagi tel ég að það hefði verið sjálfsögð vinnubrögð að fela viðeigandi deildum Háskóla Íslands að skoða og leggja mat á samninginn, hluta hans og sem heild. Þar hefði strax átt að kalla saman sérfræðinga í Evrópurétti, stjórnsýslu, lögum, viðskipta- og hagfræði, siðfræði og sagnfræði.  Þetta hefði ekki einusinni þurft að nefna, svo sjálfsagt tel ég að þetta hefði verið. Svo mikið er í húfi.

Vegna þess að Íslendingar fengu ekki að rétta við mannorð sitt á sviðið alþjóðasamfélagsins, með því að sækja bresk stjórnvöld til saka fyrir að beita í fullkomnum órétti Ísland og íslenskt fjármálakerfi þeim órétti að beita hryðjuverkalögum - tel ég fyllilega rétt að þjóðin eigi síðasta orðið hvað snertir ICESAVE samningana.

Rýnir í gögn vegna Icesave

Nú! Engir peningar til? Látið þjóðina bara borga...

Það er sárt að sjá hvað stjórnmálamenn virðast veruleikafirrtir!  Þeir skilja ekki þjóðina, þeir skilja ekki þjóðarsálina. Þeir eru ekki lengur stoltir af því að vera Íslendingar. Þeir þekkja ekki til mannkynssögunnar og skilja ekki samhengi hlutanna. Það er sárt að horfa á allt sem unnist hefur rata beina leið í niðurfall Alþingis.

Það er eins og ríkisstjórnin haldi að þjóðin hafi sængur sínar og kodda fulla af peningum.  Hvaðan eiga þessir peningar að koma sem ekki eru í ríkiskassanum, því þjóðin er skuldug og auralas.

Borga tvo milljarða fyrir Breta?

Sorgardagur! Flöggum í hálfa stöng!

Í dag er sorgardagur og allir dagar þar til þjóðin verður gersamlega búin að missa sjálfstæði sitt í hendur fjölþjóðaríkis sem lætur sig engu varða hvað Íslendingar segja. Það verður traðkað á okkur og við arðrænd eins. Við munum ekki einusinni spurð....   

 

Umsóknin á dagskrá á mánudag

"Splittrad Island ansöker om medlemsskab i EU"

Svo skrifar sænska netfréttablaðið Dagens nyheter (DN) um aðildarumsókn Íslands. Sænskir fjölmiðlar hér ytra hafa verið áhugasamir um allt sem hefur með forsögu og síðan aðildarumsókn Íslands upp á síðkastið. Umræðan hefur á greinargóðan máta skýrt stöðu Íslendinganna, tvístraðrar þjóðar sem sé að reyna að krafsa sig upp úr efnahagskreppu. Tvístraðrar þjóðar sem í fullkomnu ósætti sendir aðildarumsókn til Bruxelles fyrir næsta ráðherrafund sem þar á að halda núna 27. ágúst. Bent er á í pistli DN að Íslendingar muni þurfa að gangast við ákveðnum breytingum s.s. á stjórn fiskveiða. Í samtali sem haft var við Jóhönnu Sigurðardóttur forsætisráðherra segir:

- Det här är en av de mest historiska voteringar i alltingets historia och sedan republikens grundande, sade hon.

Sigurdsdottir hoppas att EU ska ge Island ekonomisk stabilitet och långsiktigt välstånd. Hon räknar med att ha skickat in en medlemsansökan fram tills EU:s utrikesministrar möts i Bryssel om drygt en vecka.

EU är en känslig fråga på Island med 320.000 invånare. Länge var de självständiga och stolta islänningarna mycket skeptiska till det europeiska samarbetet. Folket gillar sitt oberoende och framför allt räds många vad som ska hända med fiskenäringen när Island inlemmas i EU:s fiskepolitik. Oro finns för att EU ska över kontrollen av Islands rika fiskevatten.

["Þetta er ein þýðingarmesta atkvæðagreiðslan í sögu Alþingis, allt frá stofnun lýðveldis", segir Jóhanna.

Jóhanna vonast til að ESB komi til með að gefa Íslandi efnahagslegt jafnvægi í framtíðinni og velmegun. Hún býst við að umsóknin verði komin inn fyrir fund utanríkisráðherra í Bruxelles efir rúmlega viku.

Meðal hinn 320 000 Íslendinga hefur umræðan um ESB verið afskaplega heit. Hinir stoltu og sjálfstæðu Íslendingar hafa verið vantrúaðir á gildi náins evrópsks samstarfs. Þjóðinni hugnast heldur að vera sjálfstæð og óbundin og óttast einna helst hvað muni gerast með náttúruauðlindirnar og þá í formi stjórn fiskveiðilögsögunnar ef Ísland verður eitt með fiskveiðistefnu ESB. Óttast Íslendingar að ESN taki yfir stjórn hinna auðugu fiskveiðilögsögu Íslands.]

_________

Já að er synd að segja að Íslendingar verði ekki þekktir af eindæmum. Ósáttin og hryggðin yfir aðildarumsókn er augljós, heyrir maður hér ytra í fjölmiðlum, nú þegar Íslendingar eru að velja burt sjálfstæðið, forræðið yfir auðlindum og veikari sjálfsmynd. Það verður skrýtið eftir nokkur ár þegar við verðum að fara flagga EU flagginu út um allt með íslenska fánanum. Þetta er skrýtin tilhugsun. Meir að segja Svíar sem nú halda í formennsku fyrir ESB veigra að flagga Evrópufánanum, því andúðin fyrir ESB vex þar líka.

Flokksagi æðri samvisku þingmanna

Svo virðist að "agavandamál" sé komið upp í herbúðum Vinstri-Grænna. Svipan er reidd til höggs og þingmenn minntir á flokksagann. Flokksaginn hefur einatt verið eitt af höfuðmerkjum Sjálfstæðisflokks og Framsóknarflokks. Þar hafa menn selt samvisku sína flokksaganum fyrir föst þingsæti (eða þingsætaloforð) og er trúnaðurinn vel þeginn þegar erfiðum siðlausum og eiginhagsmunapotsmálum er velt yfir þingið.  Nú er komið að Vinstri-Grænum að binda hendur þingmanna sinna.  Vitið bara, að þegar kemur að atkvæðagreiðslu um ICESAVE sjálfdæmisskjöl Breta og ESB, munu allir stjórnarþingmenn styðja fingri á réttan flokkshollan grænan "já"knappinn.  

Tjáir sig ekki um ummæli Lilju

Fljótfærni og þekkingarleysi

Í bloggi mínu hefi ég bent á áður að best hefði verið fyrir íslenska ríkisstjórn að ráða nokkra fína lögmenn frá t.d. Bandaríkjunum (tóbaksframleiðendur gætu sennilega bent á einhverja dugandi einstaklinga). Ég vil meina að íslenskir ráðamenn og samningamenn ríkisstjórnarinnar hafa hreinlega ekki þá þekkingu sem þarf til að snúa á svona stórveldi sem Breta og svo auðvitað ESB sem rær undir niðri mót öllu sem íslenskt er.  Ég tel að með sérhæfri samninganefnd mót risunum gætum við fengið betri kosti í samningunum og komist frá borði minna fátæk og stoltari. 

Þjóðarstoltið er komið næstum í vaskinn og ljóst að íslensku þjóðinni líður ekki vel. Þökk sé ríkisstjórnum þessa lands. Hvers verkefni er einmitt að þjóðinni líði vel, jafnvægi ríki og stöðugleiki. Þessu hafa ríkisstjórnir síðustu ára ekki valdið.

Leitum okkar sérþekkingar í lagaflækjum og samningaaðferðum. Viðurkennum að við höfum ekki burði í að standa í svona sjálf og köllum, rétt eins og með Evu Joly, fagfólk og sérhæfða í málaflokkunum að sjá um okkar mál.

„Erfitt en verður að leysast"

Auðvitað sömdu menn af sér!

Það er ekki við öðru að búast. Lotningin fyrir ESB og velvildinni þaðan, sem þó enn hefur ekki látið á sé kræla, er svo mikil að íslenska samninganefndin hefur ekki þorað að svara fyrir sig. Kannski hefur samninganefndin verið að reyna að sýna gjafmildi og höfðingjaskap og bara ausið loforðum um meiri ábyrgð og greiðslur en okkur ber (sem þá hafa átt að hafa þann tilgang að mýkja inngönguleið Íslands inn í ESB).

Þetta er náttúrulega dæmi um afglöp í embættisfærslu íslenskra og dæmi um varnarleysi Íslands gegn ESB og ef til vill reynsluleysi samningamanna. Við eigum að kaupa okkur erlenda þjónustu t.d. bandarískra lögmanna sem síðan standa í þessum samningaviðræðum fyrir okkur.  Okkur er ekki treystandi. 

„Menn sömdu af sér“

Æji, húsameistari, ekki meir, ekki meir!

Þar sem búið er að reista stillansa umhverfis Hallgrímskirkjuturn fór ég að velta því fyrir mér af hverju við notum ekki tækifærið og snyrtilega tökum niður turninn. Já, burt með turninn.  Hann mun um ókomna tíð vera til óheyrilegs kostnaðar, sífelldar viðgerðir vegna hins íslenska veðurlags sem brýtur steypuna og kvartsið sem hjúpar turninn svo allt grotnar og blæs burt. Þetta mun með reglulegu tímabili leiða til þess að óþrifarendur og flekkir myndast á turninum, hann mun reglulega þurfa að endurbyggjast vegna þess ferlis sem íslensk veðrátt skapar svo fljótt sem einni viðgerðinni lýkur. Klukkan á turninum hefur aldrei gengið rétt og mun vera haft fyrir satt að vísarnir ráði ekki við vindinn sem er stöðugt á þeim, sveipirnir sem leiða til ójafns tíma - eftir því á hvaða hlið er litið. Við sleppum þá við "BigBen" klukknahringinguna sem er hin ófrumlegasta, sem markar hvað klukkan slær.

Engin óhöpp verða heldur viðkomandi kirkjunni eftir að turninn er horfinn. Byggja má snyrtilegan inngang í stíl Guðjóns Samúelssonar þannig að sómi verði af.  Skrifstofum og slíku sem hverfur þegar turninn hverfur getur verið komið fyrir í nágrannahúsunum.  :)

Klifrað upp á Hallgrímskirkju

Fullveldi Íslands veikt

Með samþykkt ICESAVE-samningsins við Breta og aðra sem gert hafa kröfu um fullar endurgreiðslur Ísland til þeirra sem glötuðu fjármunum í efnahagshruninu leiðir beint til þess að fullveldi Íslands mun veikjast. Gjaldmiðillinn, íslenska krónan mun falla í verði, úr litlu í ekkert og Ísland mun teljast til þróunarlanda.

Það eru engar ýkjur eða skröksögur að hér er vegið að sjálfstæði Íslands. Erlendar stofnanir og ríkisstjórnir seilast ar með svo djúpt í vasa íslenskra skattborgara og lántökufólks að um valdaafsal er að ræða.  Það er þar með ekki ríkisstjórn Íslands sem ákveður leikreglur, heldur ríkisstjórn Gordons Brown, IMF og Evrópubandalagið.

Að setja Lýðveldið Ísland í svona stöðu er beint brot á stjórnarskránni.

Engin vissa um meirihluta fyrir Icesave

Ekkert pláss fyrir fleiri þurfalinga

Það voru alltaf einhverjir sem héldu að ESB aðild Íslands yrði allra meina bót, og að peningarnir frá ESB myndu bara þegar byrja rúlla inn og allt yrði bara undusamlegt á sekúntubroti. Nei.  ESB heldur að sér höndum og mun ekki veita Íslandi eða íslenskum neina fyrirgreiðslu - NEMA við afsölum okkur einhverjum þeirra sérréttinda sem við ætlum að við fáum s.s. landhelgisforráð, stjórn fiskveiða, náttúruauðlindir etc...

Stjórnmálamenn íslenskir héldu að þeir fengju allt fyrir ekkert.  Kristdemókratar í Þýskalandi hafa ekki áhuga á að fá enn einn þurfamanninn í ESB.  Nóg er komið og mörg hinna nýju aðildarríkja í sárri neyð.  Ekkert pláss eða tími er fyrir Ísland núna.  Þetta vissu flestir þeir sem sett hafa sig inn í Evrópuumræðuna og fylgst hafa með fjölmiðlum.

Andsnúnir inngöngu Íslands

Heiðarleiki, góðvild, kærleiki, samúð, skilningur, umburðarlyndi...

Stórar þakkir til Hollendinga, sem svo oft áður, hafa sýnt að þeir eru fólk með vit og hafa þá fágætu gáfu að skilja að skal byggja á einhverju, er rétt að við lærum af mistökunum. Skammtímalausnir hafa ekki verið áhugamál Hollendinga. Þeir skilja í hvaða sporum við Íslendingar stöndum í, þeirri vonlausu stöðu sem við höfum ratað í og með hjálp ESB hefur versnað um allan mun.

Takk til Hollenskra innistæðueigenda.   Ykkar vel!

Vilja að allt verði greitt

Allt verður Íslandi til óhamingju

Allt verður Íslandi til óhamingju. Þetta var óheillaspor fyrir vort litla land. Hryggilegur dagur. Nú er bara að berjast mót ógæfunni og eflast í því að finna aðrar leiðir.

 

Samþykkt að senda inn umsókn

Sumarið hálfnað...

Sumarið er hálfnað hjá mér!  Ég er búinn með helminginn af því sem ég ætlaði að afkasta í sumar. Fyrst þá gekk fermingarnámskeiðið afskaplega vel. Alls 42 fermingarbörn fermdust, þar af 4 sem skírðust líka, eftir vel lukkað siglinga- og fermingarnámskeið í Skerjagarðinum í Oscarskirkjunni hér í Stokkhólmi. Þetta var skemmtilegur hópur, bæði krakkarnir og svo leiðtogarnir sem önnuðust siglingakennsluna. Síðan vann ég í S:t Jakobskirkjunni í nokkra daga og núna er ég að leysa af tvo presta í einni af miðbæjarsöfnuðunum.   Gaman að geta orðið að liði og geta hrærst í því sem manni þykir gaman og gefandi. Núna í lok mánaðarins tek ég svo síðasta fermingarnámskeiðið og eftir það þarf ég að taka smá frí. Ég finn að ég vil hvílast smá og fá smá tíma að hlaða batteríin eftir sumarið, áður en lokahnykkurinn í náminu í Uppsölum fer í gang. Bestu kveðjur til Íslands, úr 25°C hita í Stokkhólmi.  

Fermingarmessa i Oscarskirkjunni, Östermalm, Stockholm 04.07.2009. Ég sit í miðið, grænklæddur.

 

 

Upp, upp, þú Íslands þjóð

Nú tel ég svo komið fyrir stjórnmálamönnum að best sé að þeir fari í sumarfrí. Afglöp á afglöp ofan, streita og þreyta er farin að segja svo um munar til sín og fátt vitrænt sem kemur lengur frá þinginu.  Ég óska þess að fólk fari hægar í sakirnar og reyni að stilla sig. Stjórnarflokkarnir eru þreyttir eftir vatnsaustur vorsins og þjóðarskútan er vel fyrir ofan vatnsborðið núna.  Farið í frí elskurnar og náið áttum. Skreppið á Þingvöll, í Skálholt, í Kópavoginn þar sem Kópavogsfundurinn var haldinn. Skreppið út á Austurvöll og spáið í hvort þetta allt sjálfstæðistal var virði allra þeirra orða, þeirra lífa, þess blóðs sem úthellt hefur verið. Spáið í hvað orðið "sjálfstæði" merkir og hvers virði það er þjóðarmynd og stolti einnar þjóðar sem Íslands. Lítið til þeirra landa nú, sem barist hafa undan merkjum fjölþjóðaríkja og ríkjaheilda. Skoðið hvað er að gerast þegar þjóðir vilja vera sjálfstæðar.

Hugsið til Fjölnismanna, til Jóns Sigurðssonar, til Jóns Arasonar, til þeirra sem grátandi settu stafkrók sinn við hyllingu erlends valds Danakonungs á Kópavogsfundi 1662. Hugsið til Rasmusar Christians Rask sem ötulast barðist fyrir íslenskri tungu og menningu...     Af hverju allt þetta ef þið viljið gefa þetta allt frá okkur?

Farið í frí!   Hugsið upp nýjar leiðir!

Mikil óvissa um ESB