Geðveiki og listamenn

Í "listaheiminum" í Stokkhólmi fer nú fram hálfskrýtin umræða. Hvað er list og hvað telst ekki vera list?  Kannski þörf umræða, svo lítið seint á ferðinni í þessu tilfelli, en ágætis hressing í vetrarskammdeginu. Lífleg skoðanaskipti hafa átt sér stað meðal listamanna og þeirra sem styrkja listaskóla og einstaklinga til listsköpunar og listnáms. Síðast en ekki síst hefur Stokkhólmsborg komið að málum þar eð afleiðingar þær er listaverkið hafði, urðu til ónauðsynlegs útgjaldaauka og settu sjúkrafluttningamenn í hættu þar sem ekið var með bláum ljósum í gegnum erfiða umferð borgarinnar. 

http://www.dn.se/DNet/jsp/polopoly.jsp?d=1298&a=877532

 

Þetta gerðist: Á miðvikudag í síðustu viku gekk Anna Odell nemandi á þriðja ári við Konstfack listaháskólann út á Liljeholmsbrúnna. Þar lét hún eins og brjáluð væri, reif af sér klæðin og fleygði yfir brúarhandriðið og gerði sig líklega til að fylgja á eftir. Lögregla og sjúkraflutningamenn voru kallaðir á staðinn. Hún barðist um á hæ og hnakka mót lögreglu, en að lokum tókst að handsama listaskólanemandann og var hún flutt til Sankti Görans sjúkrahúsið. Þar barðist hún enn frekar um og varð loks að gefa henni róandi lyf.  Síðar gerði hún læknaliðinu grein fyrir að hún hefði verið að framkvæma "gjörning" á Liljeholmsbrúnni og þetta væri hluti af "listagjörningi" sem hún stæði fyrir sem nemandi við Konstfack.

Þannig var það. Núna brenna línur Konstfackskólans því fólk sem starfar með geðsjúka, eða berjast við slíka sjúkdóma hafa látið heyra í sér. Þetta athæfi Önnu Odell hefur vægast sagt mælst ILLA fyrir og hafa borgarfulltrúar verið kallaðir í umræðuna. Kostnaður við "handtöku" och "meðferð" Önnu Odell er talinn hafa kostað næstum því 12 000 sænskar krónur eða um 170 000 íslenskar krónur (á genginu eins og það er í dag kl. 11:03).  Lögreglan hyggst kæra Önnu Odell fyrir ofbeldi mót lögreglu. Deildarstjóri geðdeildar Sankti Görans sjúkrahússins, David Eberhard, hefur sagt sitt álit á gjörning Önnu Odell og gagnrýnt að þetta geti gengið inn í nám nemenda við listaháskóla. Hann sagði athæfið vera skammarlegt mót þeim sem virkilega eru veikir og niðurlægjandi. Hann sagði athæfið ennfremur sóun á almannafé og gagnrýndi stúlkuna fyrir að reyna að bíta starfsfólk, slá og hrækja á það. http://www.dn.se/DNet/jsp/polopoly.jsp?d=1298&a=877532

Olof Glemme, sem er í forsvari fyrir þá deild Konstfack sem Anna Odell er í námi við ver "gjörninginn" og segir að hún hafi ekki gert neitt rangt!

Skólinn sjálfur hefur gefið frá sér fréttatilkynningu: http://www.newsdesk.se/pressroom/konstfack/pressrelease/view/konstfack-paaboerjar-intern-utredning-kring-studentprojekt-268012

Þessi gjörningur og aðrir sem nemendur skólans hafa staðið fyrir, hafa reitt marga til reiði. Spurning er hvort hina látlausari listatúlkanir eigi betur við í næstu fjárlagagerð eða hvort listirnar eigi að fá að "spora úr" í taumleysi og bitna á þeim sem minna mega sín, í þessu tilfelli geðsjúkum?

Hálfur sigur unninn!

Nú er að vona að forseti Ísland, herra Ólafur Ragnar Grímsson ræði við formenn stjórnmálaflokkanna og geri þeim grein fyrir að hann hyggist kalla til utanþingsstjórn. Utanþingsstjórn setta sérfræðingum innlendum sem erlendum. Hér verði að ausa með öllum tiltækum ráðum og þekkingu og til slíks er utanþingsstjórn heppileg.

Reyndar sleppur Geir Haarde við að reka Davíð núna, enda aldrei maður í að takast á við Davíð Oddsson. En einhver annars tekur á því máli.  Þau eru mörg þjóðfélagssmálin sem eru farin að svekkja landann og ýldan illþolanleg.

Nú gildir að bretta upp ermar og taka á vandanum af dugnaði og víkja sér ekki undan að stinga höndum í fúlan pyttinn og kreista þjóðfélagskýlin. Oft hefur verið þörf, en nú er nauðsyn.

Stjórnarsamstarfi lokið

Ópólitíska ráðherra!

Hér kemur mín tillaga til endurbóta. Það sem Geir forsætisráðherra virðist gersamlega genginn úr falsinum vil ég rétta honum hjálparhönd þann stutta tíma sem hann á eftir á forsætisráðherrastóli:

Gerðu tillögu um einstakling sem er sérhæfur á sviði banka- og efnahagsmála. Hér skiptir engu máli hvort hann er Íslendingur eða ekki. Veldu þann besta í geiranum.

Í framtíðar stjórnarskrárbreytingu mun það verða sett inn að þingmenn sem taka við ráðherraembætti verði að segja af sér þingmennsku.  Reglan verði því að í framtíðinni verði óheimilt að hafa á sömu hendi framkvæmdarvald og löggjafarvald.

Útilokum ekki breytingar

Ósemja og trúnaðarbrot milli þjóðar og ráðamanna

Í dag var ég að hlusta á hádegisfréttatíma ríkisútvarpsins hér í Svíþjóð. Önnur frétt fréttatímans hafði með Ísland að gera. Tilkynnt var að bankamálaráðherra hefði Björgvin Sigurðsson hefði sagt af sér, að hann hefði ekki séð sér fært að starfa lengur. Ástæðan: Að hann nyti ekki trúnaðar fólksins og að hann vildi axla ábyrgð á fyrir ráðuneyti sitt. Ekki brá mér neitt svakalega. Ég hafði hálft í hvoru búist við að honum yrði fórnað til að sætta þjóðina. "Betra að einn deyi fyrir lýðinn, en að lýðurinn allur farist",eins og stendur í Biblíunni. En þessi fórnfæring stjórnarflokkanna bætir ekki líðan fólksins. Öll ríkisstjórnin verður að fara frá. Ósemjan er tilfinnanleg og trúverðugleikinn er horfinn með öllu.

Fjölskyldan mín átti einusinni kött. Hann hét Cató. Hann var fínn gulbröndóttur kisi og öll höfðum við hvert og eitt tilfinningar til Catós. Það var alltaf vel hugsað um Cató og til að honum liði vel og lifði heilbrigðu lífi fékk hann reglubundið fara til læknisskoðunar og síðan fékk hann sérstaka ormahreinsunarsprautu. Síðan leið Cató vel á eftir, hreinn og endurnýjaður af kröftum.

Stjórnmálaflokkarnir okkar þurfa nú á slíkri "sprautu" að halda. Það er þörf fyrir ormahreinsun. Ég mæli með pólitískri stólpípu til að losa um spillingu, ósannindi, skyldmennapot (nepótisma) og pólitískar misbeitingu (óhóf).

Nú bíð ef eftir að bankaráðin, fjármálaeftirlitið og síðast en ekki síst bankastjórar Seðlabanka Íslands hverfi frá stólum sínum. Mælist ég til að ekki verði aftur ráðið í stóla þessa fólks. Heldur verði stokkað upp og búið til nýtt einfaldara og ódýrara kerfi sem muni vera ráðgefandi (ekki hafa völd) fyrir ráðherra fjár- og bankamála framtíðarinnar.  "Skilvirkni og heiðarleiki" verði  kjörorð hverrar ráðgjafanefndar. 

Oft og lengi hefur verið þörf - en nú er nauðsyn.

Björgvin segir af sér

Ísland á barmi taugaáfalls

Það er svo skrýtið að þegar ég hugsa til baka til stjórnmálasögunnar, eins og ég man hana, að hún hefur einkennst af lygum, leynimakki, hinu þekkta minnisleysi og gleymsku stjórnmálamanna, týndum minnisblöðum, kaupum á hlutabréfum í fyrirtækjum sem síðan má ekki tala um, eiginhagsmunapoti, nepótisma (frændsemishyggju í embættaveitingum), þekkingarleysi á "þjóðarsálinni" og almennum hroka. Þetta eru þær hugsanir sem veltast um í kollinum á mér þegar mér verður hugsað til stjórnmálamanna.

Það er oft eins og lygarnar myndi gaddavírsgirðingu milli fólksins og þingmanna/ráðherra. Þessi gaddavírsgirðing fær á sig mynd rósarunna og verður mér hugsað til þyrnigerðisins í ævintýrinu af Þyrnirós, nema bak við þyrnigerðið íslenska liggur ljótur svangur dreki.

Þreyta fólksins í landinu hefur náð hættumörkum. Í dag fer minna fyrir samúð fólksins, í dag fer meira fyrir hræðslu stjórnmálamanna og ótta.  Þeir eiga á hættu að missa stólanna sína, hið ljúfa líf er á enda og ljóst að núna óttast þeir það eitt að fara á biðlaun og síðan að þurfa leita sér að störfum.  Hver vill ráða þingmann sem hefur verið frá upphafi þingmennsku sinnar viljalaust verkfæri flokksagans?   Hver vill ráða þingmann sem hefur tapað minninu og veit ekki hvað gerðist á síðasta fundið í fjárlaganefnd, sem týnt hefur "minnisblöðunum" sínum og man ekki hvort hann hefur farið á þá fundi með seðlabankastjórum sem skyldan býður honum?  Ekki ég.  Líklega best að setja slíka einstaklinga í starfsnám einhversstaðar en ekki í ábyrgðarfullar stöður neins staðar.

Mér finnst að tillagan sem ég heyrði einhversstaðar um að kjósa ætti í maí, væri slæm.  Í raun á bara að setja utanþingsstjórn. Sem síðan mun veita okkur tíma til að endurskapa lýðræðið og fá inn nýtt fólk og ný skírara pólitískt afl.

Rof milli þings og þjóðar

Nokkrir hlutir sem vinna þarf að nú þegar:

1. Setja utanþingsstjórn

2. Losa Ísland undan afskiptum IMF og afþakka alla aðstoð þeirrar stofnunar.

3. Lækka nýhækkaða vaxtaprósentu. Fella niður alla vexti af innlánum í bönkum í 2 ár.

4. Einfalda rekstur Seðlabanka Ísland. Endurnýja og fækka í stjórn allra fjármálastofnanna.

5. Boða til þingkosninga að 2 árum liðnum. Nýjir flokkar, nýtt fólk, ný lýðræðishugsun.

6. Vinna að gerð nýrra stjórnarskrár.

7. Setja í gang alhliða rannsókn á fjárflutningi stóreignamanna frá Íslandi sl. 3 ár.

8. Rannsaka "neoptism" [ http://sv.wikipedia.org/wiki/Nepotism ] í embættaveitingum.

9. Skoða kostnað ráðuneyta af ónauðsynlegum ferðalögum og veisluhöldum.

10. Tengja íslensku krónuna þeirr norsku og hefja gerð viskiptabandalags við Norðmenn.

Stjórnarskipti breyta engu

Of seint að kjósa í maí

Það er of seint að kjósa í maí. Þá munu falla á íslenska þegna þessa lands miklar skuldir og því rétt að ný stjórn hafi tekið við nokkru áður, eða síðast einum mánuði áður. Ég tel rétt að fara út í kosningar eigi síðar 22. mars. Það er ljóst að stjórnarflokkarnir reyna hvað þeir geta að halda sem lengst í stjórnartauma. Það eru augljóslega ekki hagsmunir þjóðarinnar sem bornir eru fyrir brjósti, heldur eigin hagsmunir og sá tími sem stjórnarflokkarnir þurfa til að breiða yfir og fela óskaparverk sín.

Stjórnin frá!  Utanþingsstjórn strax.

Geir: Kosið í maí

Flettismettið farið að sækja í sig veðrið

Þetta er náttúrulega alveg klikkað! Netið sannarlega getur sett fólk úr jafnvægi. Frétti um konu sem hafði skrifað í "tilkynningadálkinn á facebook.com "Er döpur, líklega dey ég í dag". Nú það vantaði ekki viðbrögðin hjá öllum skráðum vinum og vandamönnum sem og fjölda annara. Hún þurfti nú að svara þessari athygli og varð bráðspræk fyrir vikið. Svona gekk þetta nokkrum sinnum. Þegar hún varð leið á hversdeginum skrifaði hún eitthvað í líkingu við ofansagt.  Svo fór viðbrögðum fólks að linna og loks enginn sem sýndi þessu "kalli" hennar neina athygli.  Svo einn dag varð hún svo fúl og leið yfir þessu og sárlega svekt út í fólk að taka ekki hótanir hennar alvarlega, að hún tók líf sitt.

Þetta er hryggileg frásögn ekki síður en sú sem frétt Mbl. segir frá. Netið getur verið hættulegt á marga vísu. Ein frétt frá Kanada sagði frá því að 24 ára stelpa hafði fitnað um 30 kg á hálfu ári bara af því að sitja við tölvuna sína og hreyfa sig ekki lengur (var í fjarnámi). Einn 31 árs maður fannst dáinn við tölvuna sína, en hann mun hafa legið með andlitið á lyklaborðinu í 3 vikur. Það var enginn af "netvinum" hans sem gerði viðvart, nei það var pósturinn.  Svona getur lífið verið skrýtið.

logout.... 

Myrti fyrrum eiginkonu sína vegna stöðubreytingar á Facebook

Undirskriftasöfnun - áskorun

 

http://www.nyttlydveldi.is/

 

 

UTANÞINGSSTJÓRN

Utanþingsstjórn strax!

Óskaplega er mönnum annt um stólana sína á Alþingi. Það er ekki þjóðin sem er sett fremst, nei - stólarnir. Össur hefur ekki íhugað að það sé kannski best fyrir þjóðina að skipa UTANÞINGSSTJÓRN. Forseti Ísland (eini beint þjóðkjörni fulltrúi þjóðarinnar) myndi sitja í forsæti og kalla til sérhæfða einstaklinga til að sinna rekstri og áfallsjöfnun þjóðarbúsins, sem nú bráðum fær fleiri þunga skelli. Því er brýnt að hæfir einstaklingar, ekki neinir stólabundnir froðusnakkar sitji í vegi fyrir umbótum og nýju lýðræði.

Viljum ekki stjórnarkreppu

Stigmögnun - og svo sögulok

Mér brá ekkert sérstaklega þegar ég sá þessa frétt í morgun. Ég hef hálft í hvoru beðið þessa. Björn dómsmálaráðherra hefur sennilega fengið upphringingu frá hræddum Geir forsætisráðherra: "Bjössi minn, það er bara allt að verða brjálað og liðið hefur subbað út bílinn minn". 

Nei, í alvöru þá var þetta fyrirsjáanlegt. Stigmögnunin á sér ekki bara stað hjá fólkinu, heldur og stjórnmálamönnunum líka. Svona kallast fylkingarnar á!   Þetta er ljótt að sjá á friðsæla fallega Íslandi í dag. 

Til notkunar táragass hefði ekki þurft að koma!  Það vita stjórnmálamenn!  Svona langt átti þetta aldrei að ná.

Táragasi beitt á Austurvelli

Það er ábyrgðareysi að leyfa stjórninni að sitja

Veruleikafirring og sjálfsupphafning er alvarlegur hlutur, ekki síst þegar slíkt fyrirfinnst í ríkisstjórn eins lands. Ég tel að ástandið í íslenskum stjórnmálum sé svo komið að trúverðugleiki sé allur horfinn á Alþingi og framkvæmdavaldi. Trúverðugleiki banka- og fjármálastjórnkerfis ríkisins er horfinn. Áður en landið líður enn fyrir stjórnleysi, því stjórnarflokkarnir virðast með öllu vanhæfir til stjórnarathafna því enginn tekur lengur mark á þeim. Froðusnakk og innihaldslausar fullyrðingar ríkisstjórnarinnar líkjast helst því að vera grýttur með poppkorni.  Orðin býta ekki, þjóðin trúir ekki ráðamönnum og í dag heyrði ég talað um "meinta ríkisstjórn" Íslands.  Átt var við með þeim orðum að ekki væri hægt að sannprófa valdsvið sitjandi ríkisstjórnar, ekki fremur en óþekkt gengi íslensku krónunnar.

Ég hvet þingmenn og ráðherra að segja af sér! 

SETJUM UTANÞINGSSTJÓRN UNDIR FORSÆTI FORSETA ÍSLANDS

(sem er eini kjörni fulltrúi þjóðarinnar sem kjörinn er beinni kosningu).

Ábyrgðarleysi að leysa upp stjórnina

Hryggileg sjón að sjá!

Sorglegt að sjá farið illa með góðan, þjóðheilan málstað. Látum ekki skrílslæti eyðileggja fyrir okkur. Við erum reið, en látum ekki skrílslæti fara með góðan málstað í gröfina.

Að brjóta rúður, skemma almannaeigur og valda tjóni, gerir róðurinn bara léttari fyrir ríkisvaldið að beita ónauðsynlegri hörku. Skemmdarverk skrifast bara á reikning sem verður svo sendur þjóðinni og hver er ávinningurinn þá?  Skilaboðin verða óskýr og blendin með skemmdarverkum og skrílslátum.  Að brenna Óslóartréð er skammarlegt. Það er gjöf frá annarri þjóð. Og hefur ekkert með nein yfirvöld að gera. Það er gjöf fólksins í Osló til fólksins í Reykjavík. Látum ekki reiði okkar bitna á dauðum hlutum og eigum okkar sjálfra.

Slíkt eyðileggur fyrir okkur öllum.

Jólatréð brennt á bálinu

Spurningarnar mínar hér í vinstri dálk: Facit

Hérna til vinstri hafa verið í einn mánuð nokkrar spurningar sem mig langar gefa rétt svör við:

1. Telur þú að lífsgæði þín munu minnka undir árið 2009? Svar: Allar hagtölur og spár gefa til kynna að lífsgæðum Íslendinga muni fara aftur árið 2009 og reyndar komandi ár. Þetta styðja erlendar spár sömuleiðis. Svo, byrjið að spara, fara vel með og vera aðhaldssöm. 

2. Hver var páfi á undan Píusi XI (1922-1939)?  Svar: Benedictus XV. (1914-1922). Gaman að sjá hvað mörgum þótti nafnið Callixtus III. (1455-1458) og Leó XIII. (1878-1903) vera líkleg.

3. Hvenær verður hlaupaár næst? Svar: 2012.

4. Hvaða þjóðfáni er "elsti" fáni heims? Svar: Sá danski, Dannebrog.

"Sárt býtur soltin lús!"

 

Það er sagt að þegar sveltur og allslaus lýðurinn hékk á grindunum við hlið Versalahallar við upphaf Frönsku byltingarinnar og bað um brauð, hafi Marie Antoinette drottning spurt hvers vegna fólkið borðaði þá ekki bara kökur?

Þessi saga er náttúrulega bara saga, en segir mikið um þá veruleikafirringu sem ráðafólk hins franska konungsríkis lifði í.  Í dag getum við sagt að drottningin vissi bara ekki betur. Annað getum við sagt um stjórnmálamenn íslenska. Þeir vita best sjálfir að þeir valda ekki stjórnartaumum, þeir heyra raddir fólksins, þeir vita hversu stjórnarathafnir þeirra hafa skapað díki sem þeir hafa hratt þjóðinni út í.

Íslendingar eru fjallduglegt fólk, þolgæðið jaðrar við hið ómöglega - en munum að sárt bítur soltin lús. Með táragasi og kylfum leitast lögreglan við að halda fólkinu frá illvættum sínum. Það er slegið á fálmandi hendur fólksins sem á von í hjarta og vill hefja nýuppbyggingu. Nýuppbyggingu á Lýðveldinu Íslandi. Ný lýðræðishugsjón er að vakna, vaxtarbroddur þess fræs hefur byrjað að skjóta upp kollinum. Þennan vaxtarbrodd vilja stjórnmálamenn íslenskir óðir slá af. 

Slíkur er drengskapurinn!   Burt með spillingarliðið og inn með nýja hugmyndafræði og lýðræðishugsjón.

Þjóðin var í Alþingisgarðinum

Margur veit betur

(1 danskur spesíudalur frá 1670)

Það hellist nú yfir Ísland flóðbylgja sérfræðinga sem allir halda að þeir geti með gáfulegum frösum bjargað ástandinu og gert komandi áföll mjúkari fyrir þjóðina. Margir hafa mælt fyrir upptöku EURO fyrir íslenska efnahagslífið sem einskonar töfralausn. Að allt verði betra þá og vandinn hverfi sem dögg fyrir sólu. Þetta fólk er annaðhvort illa grunnhyggið eða afskaplega fálega upplýst.

Hverju stoðar að hvítmála yfir rakaskemmdir á húsvegg?  Innan skamms mun rakinn taka sig í gegnum nýju málninguna og skapa enn meiri vanda. Rekjan á upphaf sitt einhversstaðar og ljóst að koma verður fyrir ástæðu skemmdanna, en ekki reyna að mála yfir vandann. Hann mun alltaf skjóta upp kollinum.

Umræðan um einhverskonar efnahagssamband milli Íslands og annars lands eða fjölþjóðaríkja hefur verið viðloðandi lengi. Þörf fyrir sterka efnahagslegar heildir eða einskonar bakland er skynsamleg. Ísland er í sjálfu sér of lítið í stærra samhengi til að geta verið "berandi" fyrir sjálfsstæða mynteiningu.

Ég legg til, að Ísland tengi Íslensku krónuna þeirri norsku. Að leitast verið við að efnahagstengsl þessara tveggja landa verði styrkt til mikilla muna. Síðar verði Norðurlöndunum hinum gefin kostur á því að selja eigin framleiðslu gegn lágum tollum innan norsk-íslenska efnahagssvæðisins. 

Síðan sláum við fallega mynt þar sem hvort land um sig á sína hlið!  :)

Einhliða upptaka evru óviðeigandi